بخصوص كلامي مع والده .. والله أضع لوم كبير على أهله
أخي .. أبوه وأمه لو لهم موقف و يكلمون ولدهم على تقصيره الواضح للعيان . كان ما وصلنا لهالحال.

اذا طلبت أنا وخواته مكان نطلع له .. لازم نتم على راسه ونوسط ابوه .. مع انه هو مسؤوول اقل شي عني
غير انه اانقهر جدا لما يقول لابوه ودهم .. و ابوه يقول لا انت .. و يظلةا على هالحال ..
وأمه تسكت ما تقول لولدها شي . خلاص قال لا .. خلاص مب لازم

ويغلط علي جدامهم و ساكتين
كااعرف شو منتظرين يشوفون

اهم شي عندهم انه محد يشتكي .. وانه الناس ساكته

عمتي زعلت مني و تمت قريب شهر ما تكلمني ولا لها نفس تشوفني عشان شافت ولده انايم بدون بطانية .. شلت بخاطرها انه مااهتم فيه !!!!!
موقفهم سلبي
و الله شالة بقلبي عليهم

لا والادهى .. انه ممكن يكبرون راسه .. بخصوص زياؤة اهلي ممكن اتم 3 اسابيع مااروح و امه شو تقول لو عرفت
عادي .. اصلا شو يوديج كل اسبوع .. البنت اذا تزوجت خلاص تروح بالاسبوعين او الثلاثة وما تثقل على زوجها

حاليا بظل هالظروف .. مالي نفس لكل اهل البيت

سؤال .. لو قال لي اربيج ... شو ارد
يمكن تاخذني الحمية .. و البس عباتي و اطلع اتربى عند ابوي
او اتصل لابوي و اقوله قال لي مب متربية

ماابغي افتح نقاش وياه .. بس ابا اسأله وهو من مسؤول عن تربيته الحين ؟
على حسب نظريته .. أكون أنا المسؤولة