رد: زميل اختي يراقبها في الواتس بنية الزواج
والله ياعزيزتي ماندري عن نيته بس مع إحترامي الشديد زميلة أختك شلون تعطي الرجال الرقم بدون ما تاخذ إذن من أختك ؟! جدا عيب ومايصير ومايجوز هالكلام، زمن غريب يعني الحين اللي يبي يخطب لازم ياخذ عنك فكرة في الواتس ! منو يصدق تحديثات الواتس اللي صار من كثر الأدعية اللي الناس كاتبينها كأنه كتاب حصن المسلم النسخة الإلكترونية 😐
واللي بيخطب ياخذ رقم البنت ولا رقم أهلها ؟! زميلتها لو عقلها في مكانه كان عرفت الأصول وعرفت الأخ معاها !
بعدين10 سنوات ماشاءالله موظف وللآن ماتزوج ! غريبة طيب خلال هالعشر سنوات ما كون نفسـه و وش اللي يستعد ويرتب أموره من أي ناحية ؟!
خليها تنتبه لنفسها وتكون حذرة من هالبنت والولد بعد ! اللي تعطي رقمك لرجل غريب تتوقعي منها أي شيء .. بعض الناس يتسترون تحت غطاء الدين ويعملون أنفسهم يخافون الله وهم يرمونك في أوحال قذرة ! كل اللي عليها تضبط إعدادات الخصوصية لجهات الإتصال اللي عندها بس زي أول يعني، وماعليها من عينه طاحت منها ولا بقت فيها لا هو حليلها ولا من بقية أهلها عشان تداري خاطره !
__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔