الله يسعدك اخت سديم ،،هيا بصراحه صغيره ولساعها اخر سنه ثانوي ،،،بس هو اللي مضايقني التغير المفاجئ ،،،كيف اقولك ؟ عارفه لمن يكون واحد مايعرف حاجه اسمها امراه غير امه واخواته وخالاته وعماته وبس الباقين كانوا بالتسبه ليا مجرد بنات ناس ،،ماكنت اهتم ولا اعرف دلع وغزل وووو ،،وقتي كله كان مع الشباب بالحاره وكوره وبحر او نطلع نشوف عشقنا الاتحاد او بلوت ع البحر او بالقهاوي نظام شباب ،،وفجاه خطبت وانفض الغبار من قلبي >>> متعوب ع الكلمه ذي
المهم كانت المبادرات مني دايما وحبه حبه بديت اصارحها وادرس شخصيتها واعرفها مزبوط لدرجة وربي قبل ارسلها اي رسالة صرت عارف هيا ايش حترد واحيانا امازحها واقول عارف حتقولي كذا وتضحك وانتهى الموضوع ،،اسالها ايش سويتي فيني رحتي الويكند تقولي تمام الحمدلله وخلصنا ماتحب تتكلم او تسولف تقولي ماتعرف ايش تقول ،،حفظتها وطفشت من الاسلوب ،،هيا خجوله وانطوائيه وفيها شوية غرور (كانت تتصنع الغرور ) مستحيل انسان انطوائي وغير اجتماعي وخجول ومغرور ،،قدرت اكسر غرورها بغروري بدات تشوف نفسها انها اجمل بنت بالكون وكنت ادلعها بزياده لين انغرت بنفسها حتى عليا ،،ماتحب الاجتماعات ،،تحب قعدة البيت وكلامها دايما ع قد السؤال ،،مملكين لنا 7 شهور ما عمرها اتصلت عليا بس ترسلي ،،بالبدايه كان يعجبني خجلها لاني اعرفها واعرف اهلها انها غير مغصوبه عليا ،،بس كنت الاحظ تصرفاتها معايا جدا مختلفه لمن اكون جنبها ،،بس لمن اسافر تتغير ،،،كانت ترسلي يوميا وتزعل اذا قعدت 8 ساعات ما اسال عنها وكنت لازم اتصل عليها كل كم يوم لانها تحب كذا ،،،ذحين تغير الوضع احيانا قاعد باليومين تجي تقولي انتا مطنشني ،،،ليا شهر ماكلمتها ع الجوال ابغى اشوف ردو فعلها وعادي عندها ،،مشغوله باغراض الزواج بس ع كلامها مخلصه الاغراض من شهر وناقصها بس الفستان وراحت واخذته وخلصت منه ،،طيب ايش اللي مشغلها او بمعنى اصح مغيرها كذا ؟ هيا تبغى اهتمام ودلع من طرف واحد ،،،كانت دايما بترسلي اشعار واغاني وووو ذحين حتى دلع ما اسمعه منها يادوب كلمتين ع بعضها وتسحب ،،ابعد عنها كم يوم تجي تقول وحشتني مو حرام عليك تسوي كذا ونقعد نتكلم 10 دقايق وترجع تسحب ولمن اجي اتناقش معاها اقولها كل شوي تسحبي عليا وووو وترد بكل هدوء ليش لمن اسحب تزعل!!!! هذا رد ،،هذي قلة احترام ،،اقلها تعطيني خبر انها مشغوله ،،،وربي مشاعري ماتت تجاهها ،،،قالوها الطبع يغلب التطبع ،،هيا بارده ومالها اي حس بالبيت حتى اهلها يشتكوا بس نايمه او تذاكر او تسوي لنفسها مكياج وتلعب بالمناكير