بتعرفي ليه الاهانات والسب يأذينا ؟؟ لأننا ناخذ الكلمة بمعناها .. يعني لما يقول انتي أم جاهله تصيري تفكري بمواقف كنتي فيها جاهله كأم وتلومي نفسك وتجلديها .. ولما يقول وجهك بشع تفكري على طول بملامح مش عاجبتك ... مع أنه هو نفسه ما يكون يفكر بمعنى كلامه ولا يقصده .. هو يتخير كلمات يعرف انها تجرحك سواء عن تجربة سابقة أو معرفة بشخصيتك .. هو معصب وقاسي وجاهل فيحاول يجرح قد ما يقدر .


أعرف انه يوقتها صعب تتحكمي بمشاعرك وتفكيرك لكن انتي كتبتي لنا بالمنتدى تبحثي عن حلول ومن واجبنا نركز على النقاط اللي ممكن تكون الحل .

وين الحل ؟ الحل أنك تقري الفقرة السابقة وتستوعبيها تماما وتحاولي وقت الخصام انك تستذكريها ... راح تلاحظي انك تميتي هادية وما زعلك شتمه .. بالعكس بتلاقي نفسك هادية لأن كلامته ما استفزتك وبتلاقي نفسك أشفقتِ عليه وعلى جهله ولقيتي نفسية ووقت أنك تردي عليه بهدوء وتصرفي الشغالة والأولاد باشارة من يدك مثلا او بكلمة بسيطة ... وصرفهم بهدوء راح ينمحي أي أثر سيء من كلامه .. راح يترسخ انه انتي كنتي قوية وما في شيء يمسكوه عليكي . ولما هو يشوف انه استفزازه لك ما فاد راح يوقفه بالتدريج وعلى امتداد شهور لما يقتنع تماما انه شتمه وصراخه مالهم أثر عليكي.

ما قلتي لي لو اهلك عرفوا كيف تتوقعي ردة فعلهم ؟؟ لأن ممكن تحتاجي أنك تلجئي لهم بمرحلة ما .

عموما هي فترة وراح تعدي حبيبتي ... توأمك الله يحفظهم عمرهم قريب ال 3 سنوات يعني كمان سنة وبيوصلوا عمر واعي تقدري تريحي وتتحكمي بنومهم وممكن بالنهار يروحوا حضانه تعلمهم وتطلع طاقتهم .

الله يفرج همك ويريح بالك

__________________