رد: نفقة البنات وحكم الشيخ !!
اقتباس:
المشاركة الأصلية كتبت بواسطة ^فرح^
اهلا مهره .. نعم القاضي حكم بناء على راتبه وبدون ما يطلع على اي اثباتات بالنسبه لي 1200 ريال من 8000 قليل .. ع الاقل كان حكم ب 2000 ريال .. عني ما راح اقصر عليهم في شي .. ولعلمك الفسح واللعب والملاهي .. ما يعترفوا فيها الشيوخ ولا يعتبروها من ضمن النفقه .. البنات صغار ويحتاجوا لعب ترفيه ع الاقل 3 مرات اسبوعيا
نعم هو عنده التزامات اجار شقه واحتمال قرض زواج من البنك 45 الف بدأ سداده من سنتين مع مصاريف البيت وللعلم زوجته موظفه ومتعاونه معه يعني 2000 او 3000 لبناته تعتبر مناسبه جداااا
|
يا حبيبتي الله يرضى عليج .. يعني معقول 3000 لبنتين صغار .. و5000 لمصاريف أسرة وإيجار وقرض؟!!
يختي رحمته .. في هالحالة حتى ما بيقدر يطلع يرفّه عن نفسه يوم واحد في الأسبوع مقابل الثلاث أيام اللي يطلعونها بناتكم.
بعدين .. صحيح لم ينجب من زوجته بعد .. ولكنه في الغالب سيفعل مستقبلاً .. فماذا ستفعلين إن قدم التماساً لتخفيض نفقة البنتين مثلاً؟!
يا حبيبتي الموضوع بسيط ما دامج قلتي إنج ما بتقصرين على بناتج.
طليقج يدفع اللي يقدر عليه حسب إمكانياته .. وإنتي تدفعين اللي تقدرين عليه حسب إمكانياتج وإعادة ترتيب أولوياتج لما فيه مصلحة للبنتين.
سؤال .. إنتي كم راتبج وكم يبقى منه؟
__________________
اللهم طِيبَ الأثر .. وحُسْنَ الرحيل.