رد: قلقة بشأن دراستي الجامعيه
يااهلا أختي !
كيف أدائك في الجامعة، تذاكري بنفس الإهتمام والحرص أيام الثانوية ولا لا ..؟
إنتي اللي اخترتي التخصص ولا نسبة الثانوية هي اللي اختارته لك ؟ لأن كثير من الطلاب بمجرد مايشوف معدله عالي يحصر نفسه ف كليتين لا ثالث لهما طب وهندسـة !
الفيزيكيس والكمستري والماث ولا شيء بالنسبة للي بتشوفيه قدام ، ما أحطمك بس لازم تشدي حيلك لأن الهندسة مو سهلة ويبغالها مجهووود بنفس الوقت لو عندك رغبة فيها وحابتها راح تتجاوزي كل المصاعب إن شاءالله و ربك مايضيع تعب خلي هالشيء في بالك ربك مايظلم أحد تعبتي بتشوفي ثمرة جهدك ... المشكلة مو في الجامعة بإعتقادي .. أختي تخرجت من كلية الهندسة عندنا هنا بجدة جامعة خاصة وحفرت في الصخر خلال سنوات دراستها .. على قولتها مشروع التخرج بحاله يجعل الولدان شيبا !
وخذيها حلقة بإذنك، في الجامعة دائما اجتهدي في الميد تيرم وفي الواجبات والحضور اجمعي درجات خلال الترم هذا راح يعطيك شوية ثقة على قولة دكتورتنا الله يذكرها بالخير - تدخلي الإختبار بقلب قوووي لما يكون رصيدك عالي -
بالأخير .. أنا متأكدة إنك تقدري تتجاوزيها بـ أكثر من البي .. إنتي بس ركزي على دراستك وخلي الخوف عنك وحسبة الدرجات .. وادعي ربك يسهلك من عنده ..
آممم أذكر مرة شفت مقطع ع اليوتيوب اسمه أحلى سودانية تكلمت في نهاية المقطع البنت عن مشكلتها مع مادة الرياضيات روحي شوفيه .. عشان تعرفي إن الثقة بالنفس مفتاح النجاح .
ربي يوفقك في دراستك ويفتح عليك يا بشمهندسة إنتي قدها إن شاءالله اللي تخرجوا من هالكلية مو أحسن منك 💛
__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔
التعديل الأخير تم بواسطة فرح تايه ~ ; 18-04-2015 الساعة 07:39 AM