المشاركة الأصلية كتبت بواسطة رائحة البخور

ومو اي اعتذار يا بائعه ، اختاري الكلمات

فيه كلمات تحرك الرجل وترضيه ، والاهم من الرقه الخضوع لزوجك
خضوعك واحترامك له حتي بنظرة العين مو معناها ضعف
بالعكس معناها قوه وانوثه ، والرجال يحوش رصيد للحرمه تري
يعني لو كانت مشكله هو الي بداء فيها وانتي بدائتي بالاعتذار
واللين والرقه صدقيني بيشيلها لك حتي لو ماتكلم
انكسارك قدامه ولينك مو معناها حقوقك بتضيع او بعدين بيتمادي
لا حبيبتي ، انكسارك سيطره علي مشاعره ، واستخساره خسارتك

اخضعي وليني واحترمي وفوتي بحياتك ، ولا تدققي بشي
خليه حاليآ يبعد شوي يرتاح ولاتضغطي عليه
اصبري كم يوم وكلميه اول شي افضل واعتذري
واذا ماتقبل الكلام اشتغليه بالرسايل

حبيبتي بسآلك سؤال

ايش الشي الي يهجج الرجال من النوم بغرفة النوم جنب زوجته ؟
وايش الشي الي يخليه يقول لزوجته بفكر بعلاقتي معك ؟
ايش الكلمه او التصرف الي جرحته بالصميم عشان يسوي كذا

راعي زوجك ياحبيبتي وسايسه وخذيه علي قد عقله
سمعيه الكلمه الي يحب
والتصرف الي يرضيه
وخلك بشوشه ومبتسمه بوجه
اخلقي اجواء الراحه خلقه له ، وابعدي عن الحساب سم وموت الرجال الحساب

اعرفي متي تعاتبي ومتي تمشي وتفوتي الامور
لاتخنقي علاقتك فيه

حاليآ خليه كم يوم يرتاح بسفرته وانتي ترتبي افكارك وكلامك