المشاركة الأصلية كتبت بواسطة ابتسامة مشرقة

حبيبتي الله يسهل لك ولادتك ان شاء الله بس شيلي الخوف من راسك لانه هو سبب اساسي في تعسير الولادة بالنسبة للتوسعة عادية ترى قدك بتكوني مريتي بشي اصعب منها فهي بتكون ولا شي فلا تخافي اطلبي منهم يحطوا البيبي بصدرك اول مايطلعوه بدون مايتنظف حتى راح تنشغلي فيه فيشغلك عن الخياطة الي قاعدة تصير تحت ومفيدة دي الحركة جدا للجنين ولاتنسي ترضعي اول ساعة من ولادة البيبي لانه دي الخطوة مهمة بالنسبة لك عشان ادرار الحليب عندك يكون تمام بعدين حتى لو شالوه اطلبي من الممرضه تجيبه ترضعيه وترجعي تأخذه ودخلي زوجك مرره راح يكون عون لك في وقت الطلق ويساندك وقت خروج الجنين ولحظة مؤثرة بتكون طول عمره يذكرها بس لاتخليه يطالع تحت وقت خروج الجنين بس يوقف عند راسك .. الفوط عادي حق الدورة الي بالاجنحة المقاس الكبير او الوسط الي يريحك .. الاكل كلي عادي بس كثيري بروتينات وسوائل من حليب 3 كاسات في اليوم لازم عشان الكالسيوم وموية 2-3 لتر في اليوم وشربات وحاجات ساخنه قرفه وحلبة الحلبة والقرفة انا كنت احطها مع الحليب مره يساعدوا في در الحليب .. الرضاعة الطبيعية صعبة مهي سهلة فخليك صبورة لاتستسلمي وطنشي اي احد يقولك حليبك مايكفي لو حسيتي الحليب قل عادي لاتخافي كثري سوائل كثري موية واشربي الحلبة ثلاث مرات في اليوم ورضعي النونو كل شوية لاتحددي وقت محدد اي وقت رضعيوحتى لو دوبه رضع بس خليكي قوية لا تعطي البيبي رضاعة صناعية اذا ناوية ترضعي طبيعي لانه احتمال كبير يرفض صدرك بعدها والنوم اشبعي منودحين لانكم راح تنسوا بعض والاعتناء بالجرح انا بس قالت لي غسلي بموية دافية لاغسول ولا غيره مااستخدمت اي شي معليش طولت بس انا كنت احب احد يشرح لي بالتفصيل لما كنت زيك .. ايوة وقت الولادة حاولي ماتصرخي تهدري طاقتك ع الفاضي بالعكس ادخلي اليوتيوب وادربي ع التنفس الصحيح جدا مريح ومفيد بس اتنفسي وقت الدف لاتصرخي اتنفسي ودفي بس ماتحسي انه الجنين قاعد يضغط وريحي وبس ..