حبيبتي زين .. إنتي صغيرة جدا وفيه بعمرك لسى ما تزوجوا

هل إنتي خايفة من الطلاق عشان تجربتك السابقة ؟ أو خايفة تفقدين السعادة اللي بهالزواج ( هل تحسين إنك سعيدة ومتوافقة معه ) ؟؟؟

أعرف إنه شيء طبيعي تطلبين المساعدة، لكن إنتي تطلبين منا نلقّنك شو تقولين لزوجك اللي المفروض انتي تعرفين كيف تتفاهمين معه

أنا أشوف إن المستشار مؤتمن يا زين، وأنا أنصحك بنصيحة لوجه الله ... ما دام ما بينكم عيال

وقفي وقفة ( عقلانية ) مع نفسك .

شوفي انتي ايش تبغين ؟ تبغين تظلين محبوسة ... وعايشة حياة كاملة بدون أخطاء

زين أنا مدري وش تصرفاتك اللي تطلعه من طوره ... لكن واضح لي إن فارق العمر بينكم مسبب أزمة أساسية

متطلباتكم مختلفة .. العاطفة والرومانسيات اللي تبغينها هو موب قادر يعطيك إياها

انتي حساسة جدا ... وحياتك بتظل مهددة مع هذا الرجل .

هذي حقيقة لازم تستوعبينها وتشوفين الموضوع بعين العقل ( لا تنهارين ) ما عندك شيء تخسرينه لا أطفال بينكم وهذي أكبر نعمة أنتي فيها

التفاهم بينكم صعب...وزوجك تزوجك توقّع بتنقذينه من فشل زواجه الأول

اللي صار الحين إن متطلباته ما توافقت معك وحس بالفشل للمرة الثانية وقاعد يحملك المسئولية

فكري بعقلك ... قلبك كل الفترة اللي راحت ما جاب لك إلا الأمراض والقهر والحسرة

العقل بيعلمك وش التصرف اللي مطلوب منك تسوينه

الرجال جاب عشاء لأنك زوجته ولأنه يخاف ربي

موب لأنه ما يبي يطلقك

اللي قاعدين يقولون لك يعشقك ومايبي يطلق قاعدين يخدّرونك بكلامهم

اللي اشوفه زوج عايف ويبي يطلق يا زين

فكّري وش تبين ووين مصلحتك وعلى أساس كذا تصرفي