اشعر بالوحده والتفكير بيقتلني وقفو معي تكفون
بسم الله الرحمن الرحيم
السلام عليكم ورحمة الله وبركاته
انا الحمدلله تايبه وراجعه لربي سبحانه وتعالى
بس ابي تعطوني اشياء اسويها لان والله الوحده والتفكير بيقتلني
ابي افتح صفحه جديده بحياتي كلها بطاعه ربي
ذنبي اللي اقترفته احس ماراح انساه طول عمري
احس بضيق نفسيتي تعبانه وشعور قاتل
انا بنت عمري 23 وماعندي اخوات ولا صديقات كنت دايما اشعر بوحده وطفش بس عايشه
والحين اقترفت ذنب وزاد علي همي وضيقي
ابي افتح صفحه جديده ابي احس اني انولدت من جديد ابي ربي يرضى علي ابي انسى الماضي وابي انسى هالذنب الله يغفره لي
والله تعبت
علموني كيف ابدأ
عطوني خطوات امشي عليها
جدول ديني امشي عليه
وبالنسبه للصحبه الصالحه كيف احصل عليهم
هالايام فكرت ادخل تحفيظ قرآن بس اتوقع مايستقبلون لانه بتجي الاجازه وبيخلص الترم
وانا مابي اتعرف على صديقات عن طريق النت
وربي ضيقه وهم وتفكير احس بصير مريضه نفسيا
الوحده والتفكير بيقتلني
ولاتقولون وضيفه لاني مازلت ادرس الان دبلوم يومين بالاسبوع بس .. واروح واجي مثل قلتي مو مع احد ابدا لادروسي ولا الناس
تكفون وقفو معي مالي غيركم بعد الله انا احب المنتدى هذا وانتم ثقه احب اسمع منكم
والله ضايقه فيني الدنيا
وكل ماتذكرت ذنبي تهون علي الدنيا واحس مابي شي الا ان ربي يرضى علي
تمنيت لو ترجع لي الايام ولا اسويه
لكن حسبي الله ونعم الوكيل
توكلت على الله بجميع اموري
التعديل الأخير تم بواسطة جذور الأمل ; 23-04-2015 الساعة 05:45 PM