منتدى عالم الأسرة والمجتمع - عرض مشاركة واحدة - تقرير عن محبوبتي لوتسرن الجزء الأول [مميز]
الموضوع
:
تقرير عن محبوبتي لوتسرن الجزء الأول [مميز]
عرض مشاركة واحدة
23-04-2015, 10:54 PM
#
1
mimomea
كبير المراقبين [ وسام العطاء الذهبي 2016 ]
تاريخ التسجيل: Jun 2012
المشاركات: 10,291
تقرير عن محبوبتي لوتسرن الجزء الأول [مميز]
السلام عليكم ورحمة الله وبركاته
متل ما وعدتكن انو نزل تقرير عن الكونتون اللي ساكنة فيه
بعض الصور صورتها حديثا والبعض من فترة
ورح اكتب بالعامية والفصحة اسهل لي
ملاحظة : بسويسرا لا يطلق مدن بل كونتونات
اهلا وسهلا بكم في لوتسرن
كونتون Luzern تلفظ بالالمانية لوتسرن يوجد في المقاطعة الالمانية ويتكلم سكانه اللغة الالمانية كلغة رئيسية بالاضافة الى تكلم بعض سكان البلدة الفرنسية والايطالية والانكليزية والاسبانية وغيرها من اللغات
ويحتووي على بلديات عدة ومن ضمنهن بلدية لوتسرن وهي عاصمة كونتون لوتسرن
يقع كونتون لوتسرن في وسط دولة سويسرا
ولوتسرن تعتبر منطقة سياحية حيث يتوافد السواح اليها طيلة السنة
ولطبيعتها الخلابة وجبالها دور رئيسي في جذب السياح
اول وصلة للسائح على محطة الباصات والقطارت
وباستطاعته التنقل بالباصات الى اي مكان بسهولة داخل البلدة
وهنا داخل المحطة حيث يوجد محلات ومقاهي تفتح طيلة الاسبوع للساعة التاسعة والسبت والاحد للثامنة وسوبر ماركت للساعة 12ليلا
و اول ما بنوصل بنشوف بحيرة لوتسرن
وبالبواخر فينا نروح من منطقة لمنطقة اخرى ونستمتع بجمال البحيرة بين الجبال
وبتوقف الباخرة بكل محطة بتمر فيها
وهيدي محطة للبواخر حيث تقطع التذاكر
وهيدا مقهى بجنب محطة البواخر
وبجنبهن النافورة مرة بتهبط الماء ومرة بترتفع
وبمكان النافورة وجنب محطة القطارات والباصات يوجد متحف فني ومقاهي
والطيور دايما محلقة فوق البحيرة
وللبط حصة كبيرة في البحيرة
وشو حلو وقت نكون بالمركب وحولينا البط
ومن هيدا الناضور بنشوف الجبال والغابات اللي بتحيط بلوتسرن
وهيدي الباخرة ثابتة ما بتتحرك عبارة عن مطعم وبصير للاكل عليها نكهة خاصة مع لفحات الهواء والاستمتاع بالمناظر حولينا
وهلئ بدنا نروح على الجسر الخشبي اللي يعتبر من المعالم الساحية في لوتسرن
ويعتبر من اقدم الجسور في اوروبا والبعض يقول في العالم الله اعلم
بني في القرن السابع عشر
وهو عبارة عن صلة وصل بين البلد والبلدة القديمة وبني على نهر رويس الذي يفصل بينهم
وتعرض للحوادث واعمال الشغب واعيد ترميمه
وتعرض للحريق عام 1993وكان يضم مثات اللوحات وبقي منها مئة لوحة
وكل لوحة تروي عن حدث او شخصية
وبهيك طقس بدها ايس كريم
وهيدي الصور عند الغروب
وبتنتشر على ضفاف نهر الرويس الاوتيلات والمقاهي
وهيدا الجسر بيفصل على يمنيه البحيرة وعلى شماله نهر رويس ومتصلين ببعضهن تحت الجسر
وشعب بحب البيسكلات كتير
وهلئ بدنا نتعرف على ازقة البلدة القديمة حيث توجد المحلات والمقاهي
وصورت نهار الاحد فكانت المحلات مقفلة
ومحلات السوفينير والساعات بتفتح طيلة الاسبوع
وهلئ بدنا نروح على معلم سياحي تاني
وهوي تذكار نصب الاسد وبنقدر نرحله مشي على الاقدام من الجسر الخشبي او من قلب البلد بحدود 10دقائق او اقل
وهيدا بيحكي قصة ووجع كل شخص فقد احد اقرباؤه
وهالنصب تم نحته على يد النحات الهولندي
لتكريم الحراس السويسريين من 700 ضابط وجندي كانوا عم يحموا ملك بقصر فرنسي في فرنسا اثناء الثورة الفرنسية
ومن بعد ما استسلم الملك وشعر بالهزيمة طلب من الحراس رمي الاسلحة
ومن بعدها تم ذبحهن وقتلهن من قبل الثوار الفرنسيين
واللي بشوف تعابير الاسد بيعرف انو بعبر عن الالم والحزن
وبالبركة دائما بيرموا نقود حجرية وبيتمنوا امنية اعتقاد منهن رح تتحقق
يتبع
__________________
اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه
التعديل الأخير تم بواسطة أُقْحُوَآنّ ♡ ; 25-08-2015 الساعة
01:42 AM
mimomea
مشاهدة ملفه الشخصي
البحث عن المشاركات التي كتبها mimomea