رد: غيرة أمي بعد زواجي
انا ام زوجي ساكنة معايه بنفس البيت
يمكن ماتكون بنفس درجة غيرة والدتك
لكن الا ماتغار ام الزوج من مرة ولدها
حياتي كلها مداراة .. ولف ودوران عشان الحياة تمشي
مثلا لمن اروح السوق واجيب اغراض كثير ما اطلع الاكياس قدامها .. اقول لزوجي خليها في السيارة لمن تنام اجيبها كله عشان مااحرك غيرتها
دايما احذر زوجي مايدلعني قدامها ..
بين فترة وفترة اقول لزوجي .. روح تمشى انت وامك لحالكم عشان ماتحس اني اخذته منها
وترجع مررة مبسوطة .. سوي هذي الحركة مع امك وروح تمشى معاها لحالكم
امس زوجي يقول لي امشي نمشي في الشارع حول البيت .. كنا طفشانين مرة
بس رفضت عشان ماتزعل
وقضيناها اكل << وسيلة الترفيه الوحيدة ههههه
اللي يضحك في الموضوع ... انها لمن تزعل من ولدها ترجع علي انا وترمي علي كلام
بس مستحيل ازعلها او ارد عليها
الحمدلله محرومة من اشياء كثير
بس مريحة راسي من المشاكل
بس برضو هي طيبة عشان ما اظلمها
بس الحياة مع ام الزوج يبغالها صبررر وحكمة
والله يعيني انا وزوجتك
اختي الصغيرة تقول بتتزوج واحد مقطوع من شجرة هههه
اسفة ع الاطالة
بس يمكن تستفيد من تجربتي