المشاركة الأصلية كتبت بواسطة ياسر !!

اقول اخوي فارس وش اخبارك؟ ها لقيت لك شغل؟
عزيزي الرغبات والاشياء الي تبيها على كلام اصحابي المتزوجين خلها تجي بعد الزواج حبه حبه.. بدون استعراض لقوائم..
يعني مثلا:
انت ما تحب الحرمة تكون كثيرة الطلعات للمناسبات.
ولا تحب كثرة العزائم للنساء ببيتك
ولا تحب كثرة طلبات المطاعم..

هذه الاشياء تجي حبة حبة. يعني حرمتك اذا كثرت طلعات تتكلم وقتها تقولها يا بنت الحلال ترى الشي ذا يضايقني.. واذا كثرت طلبات مطاعم وقتها تتكلم.. شوي شوي كل واحد فيكم يعرف للثاني !

لكن بعض الاخوة اول ما يتزوج:
يا بنت اسمعي:-
امي وامي وامي واياك ما تطيعينها.
الطلعات ما ابيها
المطاعم ما احبها
لا تعزمين احد

بالطريقة هذي راح تسبب حساسية شديدة بينك وبينها..

ومن خلال نصائح اصحابي
ان اول سنة بالزواج هي سنة التعارف. كل واحد يعرف نفسية الثاني وايش يضايقه وايش يحبه.. فيحبذ تأخير الخلفة ولو على الاقل 6 اشهر.. عشان تعرفون بعض.. لأن الحمل والوحام والطفل يخرب الجو ولا تعرفون لبعض..

وبعدين تقولي دكتورة خليجية لا تقولي هذي الدكتورة الي تتكلم عن العلاقات الخاصة بجراءة.. ترا ما عندها سالفة بقوة ..