حبيبتي فاكهة متل ما قالتلك الخالة بيتا
وكمان اللبن مادام بحبه ما تهكلي هم الاجبان
لان اللبن اي الزبادي كتير مفيد واكتر من الاجبان وبحل محلها بالكالسيوم والو فوائد كتير
والحليب نفس الشي يعني ما حب الاجبان وبالمقابل بيشرب حليب وبياكل البان المشكلة محلولة


واذا حابي تخليه يحبها جربي بالبيتزا او اعملي اسياخ جبن مع خيار وبندورة وزيتون وفطر او اي نوع خضار بحبها

بالنسبة للبيض كمان اللحمة فيها البروتين نفس البروتين الموجود بالبيض

وفيكي تهرسيه مع المايونيز وتحطيه عالتوست مع بندورة وخيار
او فيكي تعمليه عجة متل ما قالت الخالة بيتا
او مع اليطاطا المسلوقة
او تسلقيه وتقطعيه شرائح ويتزين بالزيتون والجزر يعني ينعمل اشكال ويصير في مسابقة مين رح ياكله قبل

والحمدلله اهم شي بياكل خضار وفواكه وبيشرب حليب ولحوم ودجاج بعكس اطفال كتير
وبالنسبة للرز مش مهم نوع الاكل المهم النشويات ياخدها الجسم وموجودة بانواع تانية

يعني حبيبتي عالغدا اذا في دجاج اعمليه حده بطاطا بيريه او خبزة صغيرة ومعو صحن خضار وبتكون الوجبة كاملة ومغزية
او معكرونة او بطاطا او حبوب تانية

المهم شوفي الوجبة اللي عم ياكلها شو ناقص فيتامينات او معادن وشوفيها بنوع اكل تاني ويكون بحبها
وهيك بيكون اخد كل شي بحاجته الجسم وبنفس الوقت اكل وجبة هوي بحبها
الله يحميلك ياه حبيبتي وتفرحي منو يا رب وتشوفيه باعلى المراتب

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه