اقتباس:
المشاركة الأصلية كتبت بواسطة رائحة البخور
والله ياحبيبتي دوبي بكتب لك رد شاوري والدك الله يحفظه ، باين الوالد عاقل
بكره لاتروحي لااهلك ، اتصلي علي الوالد قبل واشرحي له كل شي واتبعي شوره
واشرحي لوالدك مخاوفك من انها تعبي راس ولدها وخوفك من انه يستغني عنك عشان يفيدك
يمكن يقولك الوالد اجلسي ببيتك وانا بجي لكم واتفاهم معه بوجود امه وبوجودك وتحطو النقاط علي الحروف،
هذا بيتك لاتتركيه مهما صار ، مملكتي لاتتنازلي عنها بسهوله
|
تدرين انه حتى لو جاء ابوي ماادري وين ادخله
لو اقول لك شقة الرجال حاطته جناح لها بالكامل احس بضغط فظيع منها ومن زوجي
تركت غرف البيت واخذت شقة الرجال
وان دخلته بالصاله اعرف وش بتسوي بتلبس نقابها وتجلس معنا
هي كذا طبعها
لكن باجلس وماراح اروح
بس افكر وش اسوي كل اليوم
اتقفل غرفتي احس مااقدر خصوصا معي طفل لازم اطلع واروح المطبخ اجهز اكله ووو
وان طلعت راح تستفزني
زوجي قلت له
اذا مو قادر تحميني بعد ماعشت معاك رعب سنتين ونص
والحين مو قادر تحميني وتعوضني
طلقني اشوف طريقي
ماابي بكره يصير شي وانت عارف وش اقصد ( وانا اقصد امه )
وتسوي طلبها وانا اضيع
من الحين انت قادر تصوني وتحميني او خليني اروح
ورزقي على الله