دار حوار بين اخوي وطليقي من شهر
على ورقتي وفلوس لي عنده غير مؤخري
انتهى بخناقه.
وقبل كم يوم ا سل رساله يقول
راح اخذ ولدي والمحاكم بينا
وصلتني الرساله وانا نايمه صحيت وشيكت ع الوال وانفجعت فجعه مايعلمها الا الله
ياخذ روحي ولا ياخذ ولدي من حضني
قمت من الفجعه بدون تفكير اتصلت فيه وماكمل رنه الا ورد زي الجني بسرعه
اتكلم وباين بصوتي الخوف والفجعه
قلت وش هالرساله اتق الله وش شفت مني علشان تقلق حياتي وتهددني وانت اصلاً مو مستعد تربي الي عندك تبغى تحرمني من فرحة حياتي وتاخذه
قام قال انتوا السبب تسوون مشاكل لي
وتطلبوني بأشياء ما استطيع انفذها

وبتربون ولدي ع كرهي وتشوهون سمعتي وصورتي عنده وتنزرع معاه الين يكبر
انا باخذه علشان اربيه
قلت اتق الله ياظالم يامخادع ياكاذب
ماطلبت الا حقي منك والله ما اسامحك في اي شيء اخذته او سويته
قام يتكلم برزانه وكانه شيخ دين
ان كان لك حق فلن تضيع الحقوق عند علام الغيوب
وبنجتمع في يوم لاريب فيه و و و كلام كانه شيخ

قلت انا الي المفروض اشكيك وارفع عليك قضيه
تشويه سمعه وتعريض
وقلت له كلام زوجته لي
وانه كل ماحد سئله عن سبب الطلاق
يقول ماتصلح
حسبي الله عليه دنيا واخره
كيف ماتصلح لزواج؟!
يعني خائنه او قليلة دين او فيني عيب مايقبله عقل ومنطق
قام قال انا قلت كذا عند ناس مايعرفونك يعني ماتعتبر تشويه سمعه
قلت ليش ماقلت انك مزواج وتحب الحريم والتجديد
بدال ماتشوه سمعتي الي بتلحق ولدك اذا كبر
قام يراوغ ويلف ويدور
قمت الجمته
وقلت حسبي الله عليك دنيا واخره من اعماق قلبي
واتق الله في هذا الطفل لان تهديدك لي بيأثر في عطائي وحبي له
لاتكرهني في طفل ماله ذنب بس لانه منك
وباذن الله انه انسان طيب خرج من خبيث مثلك
وباذن الله اربيه تربيه صالحه ومايشابهك باي شيء
هداء النقاش والجدال
وقال لاتخافين ماباخذ ولدك بس انا ابوه واتمنى اشوفه واحضنه وابوسه اشتقت له
قلت انا ماحرمتك ولا بحرمك ولا بعود ولدي ع قطيعة رحمه
اي وقت تبغى تشوفه تجي عندنا
ولاتحاول تاخذه ولو 5 دقائق
تشوفه وتمشي
انا ما اثق فيك ابداً
قال ابشري وتطمني ماراح اخذه منك
واتزوجي ولاتخافين مني عيشي حياتي
انت تستاهلين كل خير .


وانهى الاتصال

وهنا جائتني الهواجس والافكار
وش يقصد بذا الكلام
مادري خير او شر
انسان والله ما اثق فيه ابداً ابداً ابداً

واليوم الثاني سوا حركه خوفتني اكثر
كان مسوي حظر وانا والله حاذفه رقمه بس احفظه براسي
ارسل ع الوتساب
ارسلت لك اوراق الولد
ارسلي لي مقاطع فيديو وصور له وحشني

ومن 3 ايام انا زي الصنم وما ارسلت ولا شيء
بس (طيب)

....

اعطوني ارائكم ووش تبين لكم من هالحركات والرسائل
انسان مايحل لي محرم علي
وكرهني وطردني من بيتي واذلني وقهر قلبي
بدون اي رحمه قبل اشهر مرت وانا اتجرع الالم واصابر
واكابر علشان ماحد ينظر لي بنظرات الشفقه الي تزيد نزف جرحي
وش قاعد يسوي؟؟!