ايه كتير بحبه حبيبتي ولذيذ وخفيف
ومن عيوني وطريقته سهلة وسريعة التحضير
الرز البسمتي متل العادي بتطبخيه على طريقتك وانا بحطله ورق غار وعود قرفة عالوج وبس يستوي بقيمهن
ما بأثر ابدا عالطعمة بس الريحة بتكون غير شكل
بالنسبة للسمك استخدمي سمك فيليه المفضل عندك وسلمون وبهريهن ببهار السمك
او الاوريغانو والحبق والشومر والحامض وتوم مجفف وبهار اسود وكرافس مجفف وبقدونس مجفف وملح وزيت او اي شي بتحبيه
ببتلفيهن بورق الالمنيوم وبتدخليه فرن حامي كرمال ما ينشف وبستوي دغري

اما صوص الكاري
بقلي ملعقتين زبدة وملعقتين طحين ليصير التطحين لونه بني فاتح
بضيف بالتدريج كوبان حليب او كوب كريم فريش وكوب حليب مدوب فيهن ملعقة كاري حلو
وبحركهن منيح وبرش رشة ملح ورشة صغيرة بهار اسود وجوزة الطيب
وبس قدم الاكل بوضع الكاري على السمك بيعطيه طعمة طيبة
وكمان فيكي تضيفي قلوبات وزبيب عليهن وانا بفضلهن كتير مع الرز والسمك
وصحا وهنا سلفا

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه