رد: هل الحل لوضعنا هو الطلاق؟؟!
هل الحل لوضعنا هو الطلاق؟؟!
لا ، ليس هو الحل ..
لاتستعجلين بقرارك .
نعم أؤيد كلام الأعضاء ، أنتِ شخصيتك قيادية وهو كذلك .
بالمختصر .. أنتِ فقط تحتاجين تعرفين كيف تتصرفين مع زوجك .
اقتباس:
رجعنا البيت بعد الدوام مبوز هو وانا اقول ها نمشي الحين يقولي وين بنروح قلت المكان الفلاني وجلست امدح الاكل فيه وقلت له قد سبق ورحته مع صحباتي قبل الزواج
قالي طيب من غير مايعجبه ولا ف اي تفاعل
وسكت وقاعد
وانا محتارة وش السالفه اقوله ولا اقولك بما ان العزيمة لك انت اختار اي مطعم يقولي خلاص ماتفرق قلت طيب متى نروح يقول اصبري
وعدت ساعه
قلت اذا مايمديك اليوم نخليها يوم ثاني خليني ادخل المطبخ واسوي غدا لان خلاص اذن المغرب
قال لا انتظر اتصال اذا الي انتظره يبي شي مانروح
قلت مو مشكلة طيب اسوي شي خفيف تصبيرة انا خايفة يكون جاع
قال لا ... وعدا المغرب واذن العشا وخلص العشا وهو ساكت وانا ساكته اخر شي قلت له ترا خلاص عادي مانروح او اذا تبي نجيب اكل يقولي انتي وش فيك تزنين يلا امشي امشي
قلت ترا الموضوع ابيه بطيب نفس اذا ماتبي انسى الفكرة قال لا امشي نروح
وطلعنا
|
احس المفروض ماتسكتين ، إذا لاحظتي انه "مبوز" من أول مارجع من الدوام وكل شوي يقول اصبري .
لاتسألين مثل هذي الأسئلة وتعطين اقتراحات .
أشوف الأفضل تجلسين جنبه وتحنين عليه وتسألينه وش فيك !
بحب وحنان وانو هو مهم تعرفين ايش الي متضايق منه .
اقتباس:
|
طبعا الصراخ والهياط مايعتذر منه هو مفترض مزاجي يتغير بنفسي وحاولت اضغط ع نفسي واغير مزاجي قال وين تبينا نروح ،،، رجعنا لنفس السؤال الاول قلتله المطعم الي قلتلك عليه قالي مو زين قلت خلاص اختار براحتك قال مطعم فلاني قلت اوكي قالي انتي تبينه قلت طالما انت بغيته خلاص ماراح نتهاوش ع اي مطعم ويصير يصارخ تبغينه ولا لا قلت له انا الي ابيه علمتك عليه بس اذا انت تبغا الي اخترته انا ماعندي مشكلة وللعلم المطعم الي اخترته ارقى من الي اختاره
|
مثلاً لما قالك أنتِ تبين هذا المطعم ؟ قولي إيه ابيه . * لاتقولين
طالما انت بغيته خلاص ماراح نتهاوش ع اي مطعم .
أو الي ابيه علمتك عليه بس اذا انت تبغا الي اخترته انا ماعندي مشكلة .
لأن هذي الكلمة تنرفز ، وكأنو مو عاجبك بس بتجبرين نفسك عشانه .
خلي ببالك انو ايه ابيه عشان زوجي يحبه .*يعني فرحته من فرحتي .*
اقتباس:
|
اما عن باقي الكلام الي يقوله عمره ماعتذر ولا طيب خاطري بالعكس لو شافني ابكي يصرخ علي يقولي وش فيك وانا من النوع الي لما ينجرح يسكت وحتى ما ابكي بس من كثر اهاناته وتجريحه صرت ابكي بس دموع تنزل كلها خيبة امل واسكت وهو يقولي وش فيك بس بصراخ عاالي ولا كانه قال شي من شوي اقوله مافيني بس ابي ابكي ويترك لي البيت ويطلع وهو يتحلطم
|
الزوج يحب الزوجه الي لما يصرخ عليها أو يزعلها ترجع تقوله أحبك وتضمه ..
يحب يشوف ضعفها وحاجتها له .
*يعني أحبك ومسامتحك على التجريح ، بس لاتتركني .*
اقتباس:
|
كنا وقت غدا وباقي قطعه صغيرة قلتله بهدوء يلا كلها وكمل صحنك حرام بدل ماتنرمي صار يصرخ علي ليش انتي ماتاكليها قلتلك ما ابي يمكن عدت عليه مرتين انو ياكلها بس كله بهدوء وود يعني مو غصب لما صرخ علي قلتله اوكي اسفه انا الغلطانه الي قلتلك عسى عمرك ما اكلت
|
بصراحه احس حتى لو بهدوء ، موحلو
يعني لو أنا مكانه رح تنسد نفسي ورح اترك الأكل .
*بس ممكن اصبر نفسي وابتسم *
صاير كأنك تراقبين أكله ، وكأنه طفل تعطينه الأوامر .
وآسفه على صراحتي إن كان ازعجتك .
__________________
عامل حبيبتك دائماً على إنها طفلتك الوحيدة ..دللها , إستمع لها , إهتم بها ..و حينما تقع فى خطأ ..تحدث معها و إسمع منها ثم قرر عقابها ..و لكن لا تتركها وحيدة ..فــَ مهمها كان عدد عائلتها كبير ..إلا إنها ستكون وحيدة بدونك "!