السلام عليكم ورحمة الله وبركاته
محاشي بالخضرة
هيدي الاكلة امبارح عملتها وفينا نعملها باللحمة وفينا بالخضرة
انا ما باكلها الا بالخضرة
وتقريبا كل الدول العربية بتعملها وبنفس الطريقة او بطريقة تانية ولكل بلد اضافات بتختلف عن التاني
الكمية نحنا بنتحكم فيها حسب الحاجة
مكونات المحاشي
استعملت
كوسا -باذنجان-ملفوف
ورق عنب-فليفلة -بطاطا
للحشوة
بقدونس-نعناع
بندورة-بصل
رز-زيت نباتي-حامض
ملح -بهار(سبع بهارات)
رب البندورة (معجون طماطم)
من بعد غسل الخضار بنفرمهن فرم ناعم
وبنرجع نضيف الارز والملح والبهار والملح والحامض والزيت
وبنكون فرغنا محتوى الخضار لنحشيهن بالخضرة المفرومة
وبنكون سالقين ورق العنب والملفوف
من بعد ما نخلص حشي ولف ورق العنب والملفوف
بنصفهن بالطنجرة
وبنضيف الماء مع رب البندرة (معجون الطماطم) ورشة ملح
وبنغطيهن وبنوضعهن على النار
وهيدي الطنجرة ورق عنب امبارح حضرتها ووضعتها بالبراد واليوم رح اطبخها
بس ما بضفلها معجون الطماطم بس بضيف ماء وملح وحامض وشوية زيت
واللي بحبها يتفضل يمد ايدو
ان شاءالله يكون الشرح واضح
احترامي