يوووه يا زين .. ماتعبتي من التفكير بعاطفه وبزاوية وخده !!!
انصحك خليك متجاهله مشاعرك واحتياجاتك هذي الفتره واثبتي له انك تغيرتي واحملي وجيبي نونو صغير يملأ عليك حياتك ..

انا اكثر انسانه حساسه بالدنيا .. كتلة احساس امشي على الارض
جاني زوج شبيه لزوجك ما يقصر عليا بس يبغى كلمته تمشي وما يقتنع ومليحه اعتبار لاشياء احنا نعتبرها مهمه ...

الان انا ع وشك ولادة .. ولما شاف اهتماماتي تغيرت .،
صار هو اللي يطلب الاهتمام ...

نصيحه هالفتره ان جاك اضحكي وفرفشي وبيني له شوقك
وان راح لاتسألي عنه ... كانت هالنصيحه صعبه عليا بس لما قويت قلبي وطبقتها نفعت والله نفعت وجابت نتيجة لصالحي..

تخيلي اول بعد الساعه وحده بالليل كنت ارسل له رساله عاديه ع الواتس فيديو او برودكاست علشان بشوف نايم ولا صاحي .. فهم السالفه وزعل وصار يقول لا عاد ترسلي لي وانا هناك ...
لاعاد تكلميني بيومها ...
وووقائمه من الأوامر ..
كنت اوقات اقوله طيب وان اشتقت ايش اسوي !
ويضحك
اوقات اقول طيب وان غرت عليك شسوي !
ويهدأ..
وأوقات كنت اقوله انا بتطمن عليك مو معقوله أفقدك يوم كامل انت اكسجيني ..
طبعا غالب ردوده كانت انه مو عاجبه بس انا احس انه قلبه مبسوط..
والان لما تغيرت اهتماماتي والله العظيم صار يقول غريبه امس ما رسلتي لي !!!
وأوقات ان غبت عنه الصباح يرسل لي صور مرا سياره ومرا ساعه انه اليوم انا جايك لاتنسي ..

يا بنتي اربطي ع قلبك واتغيري وعيشيه ايام حلوه وبعد كم شهر اتفقي معاه انك تحملي ..
الان ما جا النونو بس ع وشك واحس انه حتى عاطفتي صارت اثقل تجاه زوجي ..

اليوم بالسياره أكلم النونو اقوله لا حبيبي لاتسوي كذا علشان يرفس بقوه ببطني
قال شسوي الشارع مطبات
قلت له أكلم النونو ما اكلمك
قال لا كذا أغار انا


يا زين والله الايام تعلم اللي ما يتعلم ..
وانا وحده الى وقت قريب كنت خايفه من الايام الجايه لان زوجي اكبر مني بسنوااات واخاف من الجفاف العاطفي
لكن الان بركز ع الأمومة فقط
وانتي اسعي للامومه فقط ..
مو معقول تعيشي طول العمر تترجي مشاعر وحب
فكري بعقل ...
انا بداية زواجي اتفقنا سنه ما احمل .. وبعد شهور اتمنيت احمل وطلبت منه ورفض
وقتها ما كنت متوازنه وكنت بس ابكي واسوي نفس اللي انتي تسويه
بس بعدها تركته وماصرت اترجاه احمل وصرت ادعي ربي اني احمل بدون ما يمن عليه احد من خلقه
وفعلا رغم اخذنا بالاسباب الا اني حملت والحمدلله

مدري يا زين انا ليش أضعف قدام مواضيعك ولازم ارد عليك
يمكن لانه فيه تشابه بالظروف او يمكن لاني من قلبي أتمنى لك السعادة وأنك ما تخسري حياتك لانك بنعمه .،

تواصلي معايا لو حابه وارسلي لي اي وسيلة تواصل ..

__________________