السلام عليكم
انا عندي مشكله فقدان الثقة بالنفس وما أتحمل النقد ..نبذة عني متزوجة وعندي طفلة ،حياتي مع زوجي بفضل من الله لا توجد مشكله ،،مشكلتي انه عمتي ام زوجي ساكنه اغلب الوقت عندي وهي إنسانه خلوقه وماهي مشكله وجودها عندي.ولكن شخصيتها ناقده ومستحيل ما تعلق ع شي حتى ملابسي وملابس بنتي في الطبخ في كل شي لازم كلمه وش هذا ...طبعا انا لي سنتين متزوجة ،طبعا بعد موقف اللي صار اليوم بالسوق حسين نفسي وصلت لوضع صعب ..رحت اليوم بشتري ملابس لبنتي كل ما اخترت شي يجئ في بالي بتعجب عمتي او لا ..توترت كثير وترددت في الاختيار لدرجه بدال ما أكمل تسوق أفكر بنفسي معقوله خلال سنتين انعدمت الثقة في نفسي ..طبعا مو انه ذوقي مو حلو لا بالعكس دائماً سلفاتي يعجبهم اختياري بس المشكلة في عمتي اول ما أجي من السوق تشوف ايش اشتريت وع طول تقول ماتعرفين تختارين تحطمني ... الطبخ من كثر ماتنقد صرت مااطبخ آكلات جديده مع أني أحب التنويع بس هي ما تساعد فأذا راحت عند ولدها الثاني أسوي وإبداع بالطبخ
طبعا ما نقدر نغير طبع عمتي لكن انا أبغى اثق بنفسي ..بأشياء تنصحوني كتب او مقاطع دكتور معين. المشكلة الثانية
انه من كثر ما احترم عمتي أصبحت ما اقدر أسوي اي شي يزعلها أخاف تزعل ..طبعا هي للأسف تزعل من أتفه شي ..صرت في بيتي عايشه متوترة و انبسط اذا لقيته أراضيه ..بس المشكلة رضا الناس غايه لاتدرك وهي استغلت هذا النقطه صارت حتى السوق تزعل اذا رحت وتزعل اذا رحت أزور خالتي صارت يعني تزعل بدون وجهه حق انا جداً صرت متأزمة في بيتي ،،ادري وضعي صعب انصحوني





شاكره لكم

تم تعديل العنوان ليتناسب مع المضمون