'


لا لاتخاف الله غفور رحيم
غفر للقاتل اللي قتل 99 نفس وغفر لزانيه بعهد الرسول
وغفر للمشركين اللي تابو بعهد الصحابه واصبحو منهم صاحبيين مبشرين بالجنه
بس انت فيكك وسواس قهري شيطاني يبي يقنعك ان الله مراح يغفرلكك
لا لايهمك ولا تصغي له ابدا انتبه هذا ابليس العين لم قال لله عز وجل والله لاغوينهم
لاتخاف ربي غفور رحيم اكيد انه غفر لك دامك تبت بس انت لاتتراجع ابدا مهما حاول يغويك الشيطان ان الله مراح يعفرلك ويكبر عليك ذنبك
اسمع مني الماضي هذا ماضي راح خلاص لاتفكر فيه ابدا ابدا انساه انت الان انسان جديد نضيف
ربي غفر لك ابدا من جديد وماشاءالله عليك تخاف ع دينك وصلاتك هذا الشي واضح
فيك ترا في غيرك مايسجد لله سجده اعوذ بالله انت في نعمه وربي يحبك علشان كذا هداك لطريق الحق فكر انك الان عايش وانك تقدر تسوي شي حلو بحياتك يرضي ربكك
تصدق لو بريال باليوم ساعد المحتاجين قدم نصيحه لو بسيطه لوجه الله بر في امك ادخل السعاده في قلب احد طفل او عامل نظافه او غيره اقرا وردك من القران
باقي انت عايش ع فكره مامتت ليش تيئس بهالطريقه استغفر و سبح
انت بخير ونععمه كبيره منت حاس فيها والسبب وسوسة الشيطان لك
انت فنعمه انك مازلت عايش و تبت توبه صادقه وتقدر تقدم لاخرتك دامك باقي حي تتنفس ايش خليت للي مات ع معصيه اعوذ بالله
تدري ان التائب لله توبه صادقه ان الله يبدل سيئاته حسنات يعني تخيل الذنوب اللي انت تشوفها كبيره وكثيره في ماضيك تخيل ربي يبدلها لك حسنات لاتخاف استمر بتوبتك لاتقول الله مراح يغفر لي ياخي احسن الظن بالله ليش ظنكم بالله سوء وكن الله شحيح على عباده فالمغفره وهو اقسم بعزته وجلاله انه راح يغفر لنا مادمنا نستغفر
انت تاكد ان الله راح يغفر لك والله ولا كانك سويت شي وانه راح يبدل سياتك حسنات بعد بس توب لله توبه نصوحه ولا تسمع لوسوسة الشيطان ابدا
صادق شيوخ اعتكف بالمسجد ابتعد عن جو البيت والمشاحنات اللي فيه والاصحاب خليك جنب الله راح ترتاح كثير
اسال الله ان يبعد عنك وسوسة الشيطان الخبيث وتفتح عينك ع النعمه اللي انت فيها
نعمة التوبه ماشاءالله الله يزيدك من فضله استمر ي محمد ابدا لاتلتف للورا مهما كان
ترا مهما كان ابوك او اخوك او ولد عمك او اصحاب السوء حتى الشيطان اللي جالس يوسوسلك مراح يدخل معاك القبر انت راح وتحاسب وحدك
بس تاكد انك انت الان انسان جديد انسان نظيف انسان ماشاءالله تخاف ع صلاتك وعبادتك انسان تئاب والله يحبك ان الله يحب التوابين والدليل ع كلامي ان الشيطان الخبيث يحاول يرجعكك للمعاصي بوسوسته لاتسمع له ابدا وكمل على طريقك النظيف الله يثبتك ويزيدك ماشاءالله