قال ابوي ترى تعبنا معكم
وانا اقوله صادق
انت رجل كويس
بس ياحظ من كانت ملكه زوجته
زوجي ضحك وقال كنا زعلانين وحبيت ارفع ضغطها
جد زوجي بلا مبالاه
ماعنده احساس
قلت انا صراحه مزح زي هذا ماابغاه
وتشبعت منه لحد الاكتفاء
وانا ودي جد نتطلق
وابغاك ياابويه تشوف موضوع الطلاق
وتتولاه عشان مايلحقك ملامه من اقارب زوجي
قال ابوي ان كان زوجك يمزح عادي تحصل
قلت ابوي انت تعرفني مااشتكي الا اذا ماعاد تنحمل
قال لاامي روحوا الصاله وخلونا شوي
وطلعنا الصاله لحقنا وشويات لحقنا ابوي
علمته بكل شي
قال اذا كل هالاشياء صارت
ماعاد لك جلسه عنده
تجهزي تمشين معنا
امي قالت له تعال ابيك
وراحوا غرفة الاستقبال
وطلع ابوي وراح لزوجي
وطولوا مع بعض قرابة ساعتين
طلع لي ابوي ووهو متعب جدا
واسمعه يقول لاامي الله يعينها عليه
المهم قال
انه بنتك ترفع صوتها وماتحترمني
وعادي تدق ع مكتبي وانها ماتكوي اغراضي

قلت والله انه ظالمني
وماارفع صوتي الا لما اكون تحت ضغط قووي قوي
وصراحه مؤخرا اصبحت ارد شتائمه بالمثل
لانه يستاهل
مااعطاني مجال احترمه
كيف احترم شخص مو محترم احد اصلا
قال ابوي اتفقت معه انه يترك الطباع الي شفت انه شين
المهم
قال احنا طالعين لاني شفت زوجك ماايبغاك تطلعين
طلعوا اهلي
جاني زوجي ماد البوز
وقال وش قلتي له وش فضحتيني فيه
قلت تكلمت بكل شي كفيل يطلقنا
انت مو تبغى الطلاق
خلاص سهلت عليك
زعل وعاتبني
وطلع يقول عنده مباراه
قام يراسلني واتس وتويتر
اعطيته حظر بالكامل
يستاهل خليه يشرب من نفس الكاس
اصبح يراسلني ع الايميل
رجع وحاول استلطافي
تناقشنا
وطال النقاش وماانتهى
ذهب للنوم وطلب مني اتجهز في الغد لنذهب
لمكان نتناقش فيه
وطلبت منه مصروف هذا الشهر
ولنكمل حوارنا بالغد