منتدى عالم الأسرة والمجتمع - عرض مشاركة واحدة - ارجوكم علموني وشو الحل
عرض مشاركة واحدة
قديم 19-12-2004, 02:47 AM
  #1
ة-ة
عضو جديد
تاريخ التسجيل: Aug 2004
المشاركات: 13
ة-ة غير متصل  
ارجوكم علموني وشو الحل

السلام

حبيت احكي لكم مشكلتي واتمنى انكم تساعدوني

انا عمري 21 سنه تم عقد قراني قبل 11 شهر وتم الانفصال في وقت قريب

لكني مو قادره اعيش حياتي بشكل طبيعي او اتقبل الوضع اللي انا فيها

انا ودي اقولكم القصه من بدايتها عشان تدلوني على الطريق السليم

قبل عقد القران كنت انا متعرفه على شخص عن طريق النت وكونت معاه علاقه حب عن طريق الهاتف والنت فقط

وكنت مرتحاه مع هذا الانسان مع العلم اني اعرف ان مستحيل كنا نقدر نتزوج ولا في اي مرحله من حياتنا وهذا كله لاسباب كثيره ما اقدر اذكرها

لكن ماكنت متصوره اني اقدر ابتعد عنه في يوم من الايام لكن اكيد انا ما اقدر اتحكم بالدنيا حسب ما ابغى

ولان تقدم لي في فتره معرفتي بهذا الشخص عريسين وكنت مصره على الرفض الى ان ارغمت على قبول الزواج بعد ما عرفو اهلي باني احب انسان وانه استحاله الموافقه عليه ابدا وارغموني على تركه

فلم ارى امامي الا قبول الزواج بعد تغير معاملة اهلي لي وطلبت من الله ان يعوضني به خير

في البدايه انشغلت بالحياة الجديده اللي عشتها لكن في قلبي غصه على الانسان اللي حبيته

واحب اذكر اني اتفقت مع اللي حبيته بانه يتركني لحياتي واني ابغى اعيش حياتي مع الانسان اللي تم عقد قراني عليه بالحلال ولا ابي اخونه لاني اخاف من عقوبه رب العالمين

وفي فتره سبعه شهور الخطبه بدايتها كانت حياتي هادئه لكن من غير حب حاولت انا اتقرب من زوجي اكثر واحبه اكثر لكن كنت القى منه عكس اللي ابيه واحسه انه يبتعد عني لايام وايام يحسسني انه يحبني

ولكن انا حسيت ان داخلي مشاعر اكبر من اللي كان زوجي يحسسني فيها وهنا انا كلمته وقلت له اني ابي منه اهتمام اكثر

ولكن ولاني طلبت هذا الشي منه بدأ هو يتغير في تصرفاته ويعاملني بجفاء اكثر وصارت حياتنا كلها مشاكل لاني طلبت منه الحب

وبكذا انا عشت حالة مقارنه وحنين وبين حياتي الحين وحياتي مع اللي حبيته

فكنت في صراع وحاولت ادافع عن اللي طلبته من زوجي وهو الحب وتدخل احد افراد عائلته بالموضوع ولكنه ابعدها وقال حنا نحل مشاكلنا لحالنا

ولكنه هجرني بعد كذا وصار مايرد على مكالماتي له ولاصار يجيني وتركني اسبوعين بدون مايسأل علي

تدخلو اهلي بالموضوع لان المشاكل زادت وماقدرت اتحمل المشكله لحالي وبالنهايه قال الى ابوي انه يبي ننفصل وكلن يروح لحاله

وكان هو يتقلب احيانا يبي الانفصال واحيانا يبي الرجوع ولكن وتم الانفصال تحت رغبه منه بعد ثلاثة اشهر تقريبا

والى الحين انا مو فاهمه ليش صار لي كذا ووشو الي اللي اخطيت فيه عشان تكون لي هذي النهايه

انا الحين احس بالظلم واني مكسوره من الداخل ومو قادره اتأقلم مع حياتي الجديده وهي حياتي المطلقه

وكل ما احاول انساه القى نفسي ارجع افكر فيه واحاول اسمع اخباره وترجع تضيق بي الدنيا لان بداخلي ابي ارجع له حتى لو تكون حياتنا مافيها حب بس لا اكون مطلقه

والحين انا احس اني انسانه محطمه وبلا هدف في الحياه ارجوكم ساعودني وقولو لي وشو اسوي وكيف اتقبل حياتي الجديده وهل ارجع احاول الصلح مع ان الاحتمال فيه قليل وفيها اهانه لي والى كرامتي وهل انا اخطيت في طلبي ؟؟

ارجوكم علموني وشو الحل

اختكم .. حزن