رد: كوفي شوب الصبايا 2 ( المشاركة للنساء فقط
بيتا..
مستجداتي حصلت اليوم الصبح .. وكنت أبا أبعث لج واتس .. بس حسيت السالفة صارت سخيفة وصرنا ندور في حلقة مفرغة!
المهم..
رجع من دوامه من أربع أيام .. واستمرت القطيعة اللي بدت من قبل رجعته الدوام من أسبوعين.
بس بعثت له واتس اب أول ما رجع أقول له عن مشاويري لهاليومين .. عشان ما أضطر أقول له كل ما بغيت أطلع .. ومن ضمن المشاوير موعد المستشفى مال سلطان.
اليوم الصبح كنا في المطبخ نتريق .. سالني: متى موعد سلطان .. رديت عليه بدون ما أطالعه: الساعة وحدة ونص.
سألني أي مستشفى .. وقلت له.
بعدها طلعت من المطبخ ورحت غرفة البنات أسوي شغلة .. والبنات كانوا معاي .. وعقبها بشوي دخل علينا الغرفة ووقف جنبي: شو رايج نروح السينما؟
من كثر ما كنت مب مستوعبة رديت بدون ما أطالعه: لا .. خذ اليهال وروحوا .... مع العلم إنه ما يروح السينما مع اليهال أبداً!
جلس جنبي .. وحضني .. وقال لي: وبعدين معاج عمري؟ .. مب كفاية جذي؟
ما رديت .. ولا لقيت شي ينقال .. قلت لنفسي: معقول هذا رد فعله على الكلام اللي كتبته له؟
هو عنده إيملين .. وأنا بعثت له الرسالة على الإيميلين .. بالإضافة إلى إني طبعتها وخليتها فوق الطاولة اللي يحط عليها مفتاحه وموبايله .. والورقة موجودة جدامه من أول ما رجع ... معقول ما قراها؟!!!
بتقولين لي: ليش ما سالتيه؟
ما قدرت .. ولا حبيت موقف الحرامي والشرطي اللي يحقق معاه ويراويه الأدلة اللي معاه!
بالإضافة إلى أن البنتين كانوا حوالينا .. ولما شافوه حاضنّي غاروا ونطت كل وحدة تسحبني من صوب .. وكل وحدة تشيل إيده عني وتقول: هدّ ماما .. هدّ ماما. <--------- ميموميا .. شو يعني هِدّ. 
قام وراح غرفتنا .. ورجع عقب شوي يقول لي عن الأفلام اللي نازلة في السينما اليوم!
بعدين قال: تبين تروحين بوظبي في العيد؟
وكأنه ندم!! .. فاستدرك: والا تروحين تركيا؟!!! (سبحان الله عنده استعداد لمخاسير السفر ولا إني أروح عند أهلي!!!)
وبعدها توالت العروض!!
سفرة العيد .. سفرة الصيف (أنا أحدد المكان) .. طقم ذهب .. زيادة المصروف .. مبلغ غير محدد لمشتريات العيد (العادة يكون مبلغ مقطوع)
وخلال تلك النصف ساعة أو الساعة إلا ربع تقريباً .. طلب الجماع عدة مرات وأنا أرفض .. لدرجة أنه حدث لديه انتصاب!! .. وافتشل أمام البنتين وهو يحاول أن يداري نفسه!!!
__________________
اللهم طِيبَ الأثر .. وحُسْنَ الرحيل.