س- ماذا يعني انتقاد زوجك لك؟
عدم رضاه ورغبته بالتغيير هذا الاكيد والواضح .. اما الاسباب الضمنية فقد يكون متضايق ويحط حيله فيني ، او زعلان ويبي يكبرها، او حاس بالتقصير ويبرر لحاله.

س- ماهي المجالات التي تسمحي له بانتقادها؟
كل شي ماعدا خلقة ربي فيني

س- كيف يستطيع الزوج تغيير تعاملك مع الأمور بغير طريقة الانتقاد؟ (الطبخ - ترتيب البيت - النظافة - جسمك - تصرفاتك)؟
انا ماعندي مشكلة مع النقد اتقبله بدون زعل بشرط يكون بوقته وبمحله يعني ساعات اذا انتقد شي قاعدة اسويه يقوم يذكر كل شي معه ويجيب الاول والتالي وتصير فقرة اصلا انتي ماتعرفين شي.. او ينتقد شي انتهى ولاعاد ينفع يتعدل او اسوي فيه اي شي.. حاجة تشبه الحلطمة.. تضيع وقتنا وتنكد علينا .. ولا منها فايدة هذا اسميه نقد غير موضوعي

والافضل من النقد اعطاء ملاحظات ايجابية؛ مو لازم يقول الشاي مر .. الاحلى يقول لو تزيدين شوي سكر بيصير مضبوط

س- هل سبق وانتقدتي زوجك؟ وكيف ولماذا وماذا حدث؟
ايوه بس هو حساس جدا .. اعلق عالشي اللي يسويه او اعطيه ملاحظة ايجابيه عشان ينتبه ويصلح الخطأ.. يزعل ويقفل الموضوع او مايصدق خبر فيقوم يسرد لي تاريخ اخطائي.. لكن من ملاحظتي اي شي انتقده يزعل ساعتها بس يعدله او يتجنبه بعدين.