اذا انت بالرياض عندك محلات اسعارها معقولة وشغلها نظيف مفروشات بيت الإمارات ، سيتي دبليو ، ديموس ، هذي كلها ممكن تاخذ لك منهم غرفة نوم وغرفة ضيوف رجال وصالة تنفع للنساء تكلفك حدود ال20 ألف ريال
المطبخ اذا لقيت لك شقة راكب فيها مطبخ خير وبركة مالقيت خذ لك تفصيل طبعا على حسب الجودة واسعارها بالمتوسط المتر من من 500- 800
الفرن يطلع عليك ب1200 الثلاجة كمان بحدود 1500 الغسالة من 2000 التلفزيون الشاشات ال40 بوصة من 1700 المكيفات اذا راكبة كويس واذا لأ تطلع عليك الشباك من 1500 والسبيليت من 1800-2000 ..
يعني من 30000 إلى 35000 بتغطي بإذن الله بشرط ماتضيع فلوسك بالكماليات اللي ماتحتاجوها في بداية زواجكم
والف مبروك والله يبارك لك في مالك