اقتباس:
المشاركة الأصلية كتبت بواسطة ام تالا و مجد
السلام عليكم و رحمة الله و بركاته
مدري اذا متذكرين موضوعي و اني محتارة اسافر مع زوجي او لا
انا حياتي انتكست مدري وش اللي صار
والله العظيم اني كنت عاقلة و افعالي متزنة و افكر مليون مرة قبل كل خطوة و كنت مرتاحة و كان دوم يقول لي عيشي حياتك زي ما تبغين لا تلزمين نفسك عيشي حرة و لا تلزميني ف حاجة ما اريد اعملها
لما كنت منضبطة والله كانت حياتي ماشية صح
ابتعد عن جميع المهيجات لحين موعدها
بعطيكم مثال
ابتعد عن الاكل اذا كنت صايمة و حتى لو مريت بالغلط جنب الاكل ما يحرك فيني شعره و اقول انا صايمة لوجه الله و من ترك شي لله عوضه الله
اشوف مسجات رومنسية و حب ابتعد عنها الا اذا اريد ارسلها لزوجي و ما كانت تأثر فيني اصلا
او بعنى ثاني كنت اتحكم بمشاعري و عواطفي و عارفة وين اصرفها ...
مواضيع المشاكل الزوجية و غيرها ابتعد عنها نهائي لانه ما تهمني الحمد لله ما اعاني من مشكلة مع زوجي
مواضيع التعدد ما اتدخل فيها و اتحاشاها و اذا تكلمنا فيها اقول لهم هذا شرع الله و مو من حقنا نرفضه
طبعا زوجي ينفش ريشه عند الحضور لاني الزوجة الوحيدة اللي جالسة و موافقة
عاملة فيها الزوجة المثالية
طيب نرجع اللحين وش اللي صار
ما لي نفس ف حاجة
العيال عند الشغالة و تضربهم لانهم كثيرين الحركة و التخريب و يقومون بالتخريب علشان يلفتون نظري و انا بس اضرب فيهم
بس لما اطفش اتركهم عندها و اقفل على نفسي و انام او اطلع عند صديقاتي او النادي اي مكان بعيد عن صراخ العيال
يا رب سامحني
طول الوقت متوترة
و متهيجة اي حاجة تهيجني حتى لو اشوف زوجين ف السوق
وصلت لحالة يرثى لها
و اللحين المصيبة انه صايرة مشاكل ف جهة عمله و احتمال يتأجل السفر كمان شهر
يارب صبرني
صرت اتوتر كثير
اكلمه اقول له تعال شوف لك صرفة انا تعبت من غيابك
يقول طيب ياقلبي طيب يا عمري و انا حاس فيكي بس مو بايدي و يطبطب عليا
عيالي يقولون لي صرتي شريرة كثير
اه ياقلبي
ودي امسك اعصابي و اداري عيالي بس مو قادرة والله اعصابي تفلت مني و اضربهم ضرب بطريقة هستيرية
ارفسهم برجولي
و بعدين اتحسف بعد كم ساعة اضمهم
وش صار فيني
و انا كنت اخاف عليهم من نسمة الهوا
والله ما ارضى يقعدون مع الشغالة ابد و لا مع اهلي و لا اهل زوجي
و انا ف قمة تعبي و وحامي اجلس مع عيالي و اداريهم
اهملت البيت
اهملت نفسي
اهملت الوتر و السنة و الاذكار
اهملت علاقاتي الاجتماعية
كل همي متى اكلم زوجي و متى اسولف معاه
متى اتصل به
و متى يرجع البلاد
و كيف اقنعه بسفري عنده
حياتي صارت متعبة
صرت اغتسل ف اليوم مرة و مرتين و ثلاث
يا رب سترك |
طيب مشتاقة لزوجك ومو قادة تتحملي هذا حقك وما حد يلومك
بس ايش ذنب الاطفال تهمليهم وتضربيهم
قلبي وجعني عليهم وانا اقرا انت همك نفسك ورغباتك لدورجة انك ما قدرتي تصبري على تربيتهم
في نساء تشوف الويل من ازواجهم ورغم هالشيء يصبروا ويتحملوا علشان اطفالهم
خافي ربك في ناس محرومة من الاطفال وانت بتخلي اولادك يدفعوا ثمن شوقك لزوجك
فين اهلك او اهل زوجك ينصحوكي ترحمي اطفالك الي هم امانة عندك وربك بيسالك عنهم
يا اختي ادخلي حلقات تحفيظ تقربي من الله بالنوافل صومي حتى لو اثنين وخميس
اشغلي نفسك بشيء مفيد شوفي اخبار الناس الي تموت والي تمرض والي عندها بلاء
احمدي ربك على نعمة الصحة والذرية علشان ربك يبارك لك في حياتك واولادك
الله يهديك وينور بصيرتك