رد: سفر زوجي اتعبني و انتكست اعوذ بالله
الموضوع زاد اعوذ بالله
البارحة صابتني دوخة و انا لحالي بالبيت مع عيالي
تجاهلت و توجهت لفراشي و نبضي يزيد و يزيد و يكاد قلبي يظهر من مكانه
تجاهلت و غسلت وجهي و نمت قريب الفجر حسيت قلبي بيوقف لدرجة صرت انتفض و انتفض و نبضي يتسارع احس قلبي بيظهر من بين ضلوعي
و جلست استغفر و اقرى اية الكرسي
ماقدرت احرك اطرافي
و احس روحي بتطلع
اريد افتح الباب
اريد اتصل باحد
مو قادرة
جلست اتشهد
و مر امامي شريط حياتي
اعوذ بالله
و مدري وش صار رفعت اصبعي و لا قدرت احرك راسي
حاولت اتحرك
اقسم بالله العظيم اني مو قادرة على شي غير اني احرك لساني و الموبايل جنبي و لا قدرت
و بدا تنفسي يتصاعد و يتصاعد و احاول اخذ نفس مدري وش صار
و جسمي غرقان من العرق مع انه التكييف عالي
حاولت ابكي ماقدرت وجلست اردد كلا اذا بلغت التراقي و قيل من راق
انعقد لساني عند و التفت الساق بالساق و جلست ارددها بصعوبة و خشية
و التفت الساق بالساق و التفت الساق بالساق
والله صعبت عليي نفسي
عرفت اشكثر انا ضعيفة بدون توفيق ربي
و ادعي يارب حسن الخاتمة يارب حسن الخاتمة و نمت بدون احس. و ما انتبهت الا الصبح احس فرصة جديدة
و جلست افكر ف اللي انا فيه معقولة اللي صار