اقتباس:
المشاركة الأصلية كتبت بواسطة مهره
من فترة وهو يعرج أحياناً .. خاصةً إذا مشى كثير.
ورغم إني عارفة إن ممكن السكر يكون له تأثير .. لكني كنت أقول يمكن العظم فيه شي لأن رجله انكسرت من كم سنة وتجبست.
بعد ما رجعنا اليوم من المول .. بدّل ثيابه وطاح على الكرسي ونام شوي .. كان واضح إنه تعبان .. وأنا قلت يمكن قلة نوم!
من شوي دخل يتسبح عشان الصلاة .. ولما طلع شفته يعرج!
سألته: ريلك تعوّرك؟ .. قال: هيه شوي.
قلت: ما آن الأوان تشوف هالسالفة عاد (كم مرة طلبت منه يروح عند دكتور العظام أو حتى دكتور السكر)
قال: ماله داعي.
قلت: مب معقول تخليها جذي .. خلهم يشوفون لك حل.
قال: الحل هو البتر.
قلت: شو هالخبال! .. أي بتر بعد؟!!!
قال: هذا السكر .. وفي النهاية هذا اللي بيصير غالباً.
سكتّ .. ما عرفت شو أقول.
قلبي عورني!
|
ياقلبها خبرها..
مهرة مدري ليه حسيته يبغى منك حنية وطبطبه..
وبعدين تعالي هنا...قلبي عورني!
يعني قلبك بدا يدق..دق دق ..دق..
انه ال.....