رد: كوفي شوب الصبايا 2 ( المشاركة للنساء فقط
اقتباس:
المشاركة الأصلية كتبت بواسطة مهره
أمي لها أخت أكبر منها .. هالأخت طبعها صعب جداً ودايماً تنتقد الناس ومحد يعجبها.
حتى زوجة خال زوجي .. وزوجة أخوه .. وأزواج خواته ما سلموا منها ومن انتقاداتها .. اللي غالباً بدون وجه حق.
من كم يوم أمي تقول لي: كنت أكلمها وما شاء الله تمدح فيج وايد .. وتقول أم سلطان ما في مثلها.
صراحة استغربت وقلت: الحمدلله خالو راضية عني عيل.
قالت: وانتي تستاهلين.
الله يسعد أمي كثر ما تدعمني نفسياً وتطيب خاطري.
|
الحمدلله 
..
ذكرتيني مرة كنت توي عروس جديدة .. رحت أزور عمة زوجي ..
وكانت معاها صاحبتها الروح بالروح ..
وهاذي المرأة شديدة الصراحة وأي كلام بقلبها تقوله مستحيل تقدر تسكت ..
ولا تعرف تجامل او تجمل كلامها أبدا ..
لما شافتني قالت لعمة زوجي ماشاء الله كنة أخوج جميلة (اللي هي أنا) أحلى من كنتكم مادري شلون خطبتوها وزوجتوها ولدكم .. 
