احس نفسي ادور بنفس الحلقة
واساس مشاكلي بالحياة شي واحد
مع ذلك مو قادره اوقف عنده


زوجي طيب كريم جدا واب مثالي
يحترم اهلي ويقدرهم
يهتم لي وقت ما اكون تعبانه او مرهقه
لكن علاقتي الخاصه معه شبه ميته
وهالشي يقتلني
حتى صار مايضمني ولا يلمسني بالايام
اروح انا ابادر واقرب
واحسه حضن بارد منه.. مجرد مجامله

امس رحنا تعشينا عند ام زوجي
وكنت بكامل اناقتي وعلى سنقه 10
رجعنا بدري مبسوطين
نيمت بنتي بدري
ودخلت على زوجي قال: احس ظهري يألمني!
غمزت له وناظرته بدلع.. وقلت: بعمل لك مساج يريحك
عصب فجأه وقال: يووووه اقول لك تعبان مالي نفس لاي شي!
قلت: طيب طيب براحتك

وجاه اتصال من صديقه وانا رحت اشيل الميك اب
رجعت الغرفة وانا ساكته وتلحفت بالغطاء
سألني بنرفزه: ايش فيك بعد زعلانه!!
قلت بهدوء: مو زعلانه.. عادي مو اول مره تعمل معي كذا
قال: اجل بكيفك ازعلي ارضي بكيفك
!!!!!


يعني فوق جفافه معي اشوف صار يجرح عادي
ولا صار ينحرج من تقصيره معي بامور عاطفيه وجسديه
تركته ونمت
والصبح صحى معصب ولا سلم وراح للدوام متنزفز
بس ماكلمته


هل اجرمت بحقه لما عرضت عليه اعمل له مساج
انا خلاص مو باقي من راسي شعره عقل
بكيت الصبح كثير من القهر
والله بكيت وتعبت


وصعبه انفصل وانا معي بنت وحامل
ولان الرجال فيه مزايا ثانيه كثيره
امس مثلا غسل كل صحون المطبخ
لما شافني تعبت بعد الطبخ
وماعمره نسى لي اي مناسبه بهديه او حفله صغيره
وموفر لي كل سبل الراحه الماديه فقط
لكن يوم عن الثاني صار يبعد اكثر
ما يلمسني بالاسابيع
وبنفس الوقت يمدح اناقتي ونظافتي وجمالي
ويطلب مني اقرا المعوذات قبل اي مناسبه حتى مايحسدوني الناس
ويوصفني دايما باني دلوعه وانو قلبي رهيف
ويغار علي جدا جدا جدا
طيب ليه يهجرني
تعبني هالسؤال
والمشكله يرفض اي وسيله للمصارحه او مناقشه هالموضوع
وانا تهون علي نفسي اذا طلبت منه هالاشياء بشكل مباشر




تم تعديل العنوان ليتناسب مع المضمون

مستجدات
الرد 32
http://www.66n.com/forums/showpost.p...9&postcount=32
مستجدات
الرد 72
http://www.66n.com/forums/showpost.p...0&postcount=72