اقتباس:
المشاركة الأصلية كتبت بواسطة kooki3
معاه حق ما يتناقش معاش ، اول مره يفتح قلبه ويبين اسباب
الحواجز النفسيه الي بينكم ومع ذلك انكرتي وقلتي كذاب
ليش مو ممكن يكون صادق !!
ليش عقلش انكر ذلك بعد ما ألحيتي واصريتي تعرفين السبب
السبب من وجهة نظره ممكن تكون صاااااااادقه ، طيب اقعدي مع نفسش
وبحثي عن حل يرضيه على الاقل قمتي بالاسباب وعرفتي في الاخير هل
هو صادق ام كاذب ,, اعتقد يشعر معاش بعدم الامان وممكن تطلبين الطلاق في اقرب فرصه
يشعر بالاستغلاليه والمصلحه وامتناعك عن الانجاب كلها من وجهة نظره تدل على الانانيه
ومع السلامه .... لا انتي غلط ولا هو غلط
لكن بينكم ريبه وشكوك وعدم الامان من الطرفين ما انحلت على الرغم من التفاهم الظاهري الي بينكم الا بمجرد اتفهه مشكله يظهر على السطح مدى اختلافكم في التفكير والتوجهه
|
اي حل وهو يقول مشاكل قديمه ما اقدر انساها
ورافض ينساها
ويقول ربي خلقني حقود وراح استمر احقد عليك
كيف بالله تقولي حل!!
تمنيت اكون وحده من اللي هاجرها زوجها لتوسعها
عشان اروح اعمل عمليه بمستوصف وانهي الموضوع
تمنيت يكون هاجرني بسبب سمنه عشان اضعف واحل الموضوع
تمنيت يكون السبب خجل عشان اكون جريئة وينتهي الموضوع
تمنيت يكون السبب اي شي مادي او معنوي ممكن يتغير
لكن هو يقول لي شايل علي له اكثر من سنه
ومو متقبلني ابدا كزوجه
وعايش معي بجوع عاطفي وجسدي
ويطلب اقفل عالموضوع واسكت لان ماله حل
مافي شي اكثر سوء من هالحال