كبير المراقبين [ وسام العطاء الذهبي 2016 ]
تاريخ التسجيل: Jun 2012
المشاركات: 10,291
رد: كوفي شوب الصبايا 2 ( المشاركة للنساء فقط
صباحك ياسمين فانتي
كوين ربي يحميلك اميرتك اسم على مسمى ماشاءالله عليها
ربي يعطيها ايام حلوة وتشوفيها باعلى المراتب
حبي مهرة على سيرة الموبايل كمان ابني كذا مرة يقلي بدو تلفون متل رفقاته
ورفقاته من جنسية مش اوروبية
ورفضت مع انو عنده تاب بيحكي منو واتس وفايبر
وفي واحد بيستعمله اذا كنت ضاهرة وبدي احكيه غير هيك ممنوع يضل حامله بالبيت
بعدين جيتو بالعصبية انو حتى التاب ما لازم يستخدمه كتير وشرحتله ان التلفون مضر وكلو ذبذبات بتأذي وبعدو صغير وبس يكبر هوي بصير مسؤول عن نفسه وعن قراراته
مع انو بيستعمل تلفون الارضي كتير
كمان حجمتله المكالمات للضرورة وقلتله انا مسؤولة عنك امام الله وامام الدولة هون لتصير بسن الرشد
فرد عليي وقلي ماما حتى لو كبرت كتير لازم تضلك مهتمة فيني قلتلو اكيد
بس الحزم بفيد بمطارح ولاعمار معينة
كرمال بس فتحتله مجال صارت تمد معو كل مكالمة ساعة يحكي مع صاحبه غير اصحابه التانيين
واي شي كمان بقلو بنسأل المعلمة كم ساعة المفروض تستعمل التلفون
واللي بيساعدني باني بهالبلد على قد ما فيها سلبيات فيها ايجابيات كتير
فدايما بقول لابني انو اللي عم اعمله لمصلحتك وخلينا نشوف بهالبلد كيف بيتعاملو مع الولد فلقى انو كتير محجمين اوقات التلفزيون والعاب البلاي ستايشن واشيا بتشتت تركيز الولد
فطلعت انا معطيته مجال اكتر من المفروض
__________________
اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه