السلام عليكم ورحمة الله وبركاته ،،
أخي الكريم :
من خلال قراءتي لموضوعك .. كأنك تتحدث عن حياتي وزوجي تمااااماً .
أنا امرأة عاملة ،، زوجي من يقوم بإيصالي لمقر عملي وأخذي منه يومياً.
نعود للمنزل سوياً في وقت مناسب جداً قد تكون الساعة الواحدة او قبلها بقليل أحياناً.
ولنا أبناء. نتشارك في كل شيء مادي ومعنوي ومتفاهمين ونتنازل كثيراً لأجل بعضنا.

ذكرت هذه التفاصيل لأني نظرتي للموضوع كإمرأة قد تفيدك
فأنا زوجي دااائم الشكوى من هذه النقطه أنني لا أتزين له
بينما أتزين قبل الذهاب للعمل ، وأتزين عند الخروج لزيارة أومناسبة ما.

راح اقولك بالعامي ليش ما اتزين رغم اني اجاهد نفسي والله واحاول
ابين له اهتمامي لأجله ،،
البيت ومتابعة الاولاد امر مررررهق جداً وحركتي داخل البيت لازم تكون مريحه لي
يعني لما تكون كاشخه ومتزينه مثلاً وكل شويه اطبخ او اغسل مواعين او ملابس راح يكون الموضوع صعب علي .. فضروي اكون لابسه بيجامه مريحه وخفيفه او ثوب مريح.
وطالما انا في بيتي فاحس اني ودي اكون ماخذه راحتي ع الآخر.

الشي الثاني لقاءاتنا الزوجيه في الفراش بشكل يومي واحيانا باليوم اكثر من مره
طيب زوجي ما يترك لي فرصة اني اشتاق له .. نعم اتجاوب واتفاعل معه بس ما يتركني فترة يكون فيها مجال اني انا اللي اشتاق وادور عليه ودايم اقولها لزوجي وفعلاً طبقنا هالطريقه ونجحت .. اقوله اتركني اقل شي ثلاثه ايام وراح تلقاني متزينه واتحركش فيك وانا اللي ابادر واهيأ لنا الجو وكل شي .. بس لما يكون يوميا وانت عادي تتقبلها بأي حاله وبأي شكل بتحس انه هالامر مش ضروري لك واهم شي عندك هو ان يتم اللقاء وبس .

شي أخير يخلي الزوجه مو مهتمه بمظهرها للزوج اذا كان فيه مواضيع وتراكمات يمكن تحس من وجهة نظرك انكم حليتوها بس احتمال كبير يكون بنفس الزوجه شيء او اثر مشكله او خلاف او سوء تفاهم صار بينكم ..
الحل ،، او كيف تعرف ،، بطريقة وحده اتمنآ انك تطبقها :
في ليلة صفاء وبمبادرة منك قل لها : الليله لك مني مفاجئتين ، الاولى اطلبي اي طلب تبغينه او شي في خاطرك واوعدك اني انفذه سواءً شي جديد او شي في بالك من زمان .. بشرط ما يكون شي مكلف مادياً اذا ما تسمح ميزانيتك .
الثانيه اطلبي اغير اي شي في نفسي سواءً في شكلي او من صفاتي وطباعي تكون حاجه وحده بس ..
اذا شفتها محتاره ، اعطها مهله مثلاً يكون الليله الجايه تقولك .
وانت اطلب منها كمان نفس المفاجئتين لما تكون هي مستعده تنفذهم لك..

على فكرة ،، زوجتك ناااااااااااادرة جداً ،، حافظ عليها وغرقها كلام واحضان .