اقتباس:
المشاركة الأصلية كتبت بواسطة مهره
إشراقة .. لا يغرج الرياييل.
بعد ما تزوجت نقلت شغلي لمكان قريب من مكان سكني.
كان معانا موظف غريب عجيب.
في الأساس بعد ما انتقلت عندهم ما كنت أحتك فيهم كثير .. لا بنات ولا رجال .. ودايماً كنت في مكتبي ما أطلع منه أبداً.
هالموظف من كثر ما هو متحرقص كان يجيني المكتب مخصوص عشان يطلّع اللي في خاطره .. حش ونمّ.
مع إن الموظفين يتجمعون في مكتبه كل يوم الصبح وهاتك يا ثرثرة وحش في خلق الله .... لكن لازم ياخذ جرعة عندي.  .. مع إني ما كنت أتفاعل معاه في الكلام.
ورئيس القسم كان خايف على نفسه مني .. لأن مدير المكتب الرئيسي كان مطلّع قرار رسمي بتفويضي بالتوقيع في حال غياب رئيس القسم .. فكان خايف إني آخذ مكانه في يوم من الأيام .. ولا تتخيلي المهازل السخيفة اللي كان يسويها.
الشاهد..
ما يخصه حرمة والا ريال ..... المهم العقل والله. |
صدقتي مهورة العقل زينة والله!
أنا للآن ما صادفت من هذه النوعية الا نساء.
مع انه زوجي يقولي مرة موجود بينهم الغيرة والمقارنة والحش والحسد
