اقتباس:
المشاركة الأصلية كتبت بواسطة لاتتركيني
المفروض استغليتي وقت قالوا هالكلام وبينتيلهم دام هم شايفين انه زين ورجال انك تبين ترجعيله وتلمو شملكم من جديد
اختي اسعي فلم الشمل والله يكتب لك الخير اينما وجد
لا تيأسي من رحمة الله حتى لو ما رجع يكفيك الاجر والثواب الي بتناليه لانه سعيتي وحاولتي وبذلتي جهد كبير فأنك ع الاقل تعيشي بنتك بين امها وابوها
ماحد له حق يلومك او يقسي عليك انتي تسعي فأمر عظيم يمكن ما تحسي الحين بالي تسويه لكن اذا شاء الله ورجعتو لبعض بتعرفي وقتها قيمة المحاولات الي سويتيها وكيف انك بصبرك وتضحيتك قدرتي تلمي شمل اسرتك الصغيرة ، كلنا نمر بأوقات نحبط فيها ونيأس من محاولات انها بلا فايدة بس لما نتذكر الهدف من هالمحاولات كلها تهون علينا مرارة الصبر ويتجدد عندنا الامل . وصدقيني مثل ما انتي تعاني طليقك بعد يعاني وحتى لو نا يبين لك .
جربي وحاولي وكلمي ابوك حتى لو توصليله عن طريق والدتك انك تبي البنت تعيش بين امها وابوها وانه ما تهون عليك تكبر وابوها ما شافها خلي ابوك وعمك الصغير يتدخلو فالموضوع ويحاولو يكلمو طليقك . ويحلو كل الامور الي بينهم ويهدو الوضع ع الاقل اذا ما رجع ما يكون عنده عذر ما يجي يشوف بنته
الله يسهل امورك يارب وتبشرينا قريب برجعتكم لبعض
|
صدقني اخوي من بعد الطلاق وانا أحاول اصلح حتى يوم قال أقسم بالله العظيم مارجعك والبنت حلال عليك ماتهمني وانا خطبت مافقدت الأمل ورجعت حاولت قام يقول ودي ارجعك بس لما أتذكر معاملة أبوك واللحظات التعيشة اشيل الفكرة من راسي مع أنه قبل أقسم
ورجعت أحاول وقدمت تنازلت مع اني انظلمت منهم وشوهو سمعتي يشهد علي الله اني سويت الي ماسواه هو وهو رجال
ولدت ولا صرف على البنت صرت اصرف انا عليها وأهلي كمان والله العظيم صرت أحرم نفسي من أشياء أحتاجها عشان البنت ماينقصها شئ
أحاول قد ماقدر تطلع للناس ب احلا لبس والحمد لله والله إنها احسن من الي عايشة بين أمها وأبوها
حتى أنه رفض يدفع تكاليف ولادتي ويقول((((( ليه ولدت في مستشفى خاص أخواتي مايولدون ويتعالجون في خاص )))
هذا جزاء تعبي وتحملي للألم وربي رجعت اضحي واسعى للصلح
والحمد لله ناويه أكمل المحاولات وانا لي هدف وبإذن الله ربي يوفقني ويحقق مرادي
لاكن الي حاز بخاطري بعد الي صلحه مازلت أحبه واحط له أعذار