التطورات مو حلوه.. فجأه صارت سيئة
لاني طلبت من زوجي يرجع لي المبلغ
كلمته بدلع وقلت له: لوسمحت رجع فلوسي بشتري هديه لنفسي
هو انصدم.. وقال: سلامات!! نلعب مع بعض!!
قلت: حبيبي لاتطولها ترى فلوسي امانه عندك
مارد علي
وانا قلب مزاجي من تطنيشه
مسوي نفسه زعلان له كم يوم لاني رديت الفلوس.. والحين يرفض!
طبعا بان على وجهي الزعل.. وهو عصب زياده
وقال: انا مو طرطور عندك مره خذ ومره هات
قلت؛ خلاص حبيبي فلوسك وانت حر.. وانا رجعتها باختياري
وطلبت منه ينسى الموضوع.. وانا بداخلي متضايقه
وقال الفلوس اللي رميتيها بوجهي عطيتها امي.. وانسي اسحب نفس المبلغ مره ثانيه

بالنهاية سافر وهو معصب وزعلان
اوكي ضميته وسلمت عليه.. بس ببرود


الحين كلكم بتقولون اني غلطانه صح؟
انا مشكلتي اذا زعلت استقوي على اللي قدامي
واخرج عن قالب الانثى
يعني رد الفلوس بظرف تصرف رجولي مو انثوي
الانثى الطبيعيه تاخذ الفلوس وتدلع نفسها
وحتى لو زعلت ماتخلط الامور ببعضها
لكن انا اذا احد داس لي على طرف انفصل عن الواقع
وتكون ردات فعلي قاسيه على نفسي بالدرجة الاولى
وفجأه لما تصفينا انا وزوجي رجعت انثى طبيعيه
وقلت ليتني شاريه فيها ذهب لي وللزمن ومنها اتشيك بالعيد
لانه مو كل يوم بيعطيني زوجي مبلغ كبير
لكن انا مستعده اخرب على نفسي واخرب بيتي اذا زعلت
كل قرارتي عاطفيه مافيها اي منطق
انا زعلانه من نفسي
ماني قادره اخذ الدنيا ببساطه
وزوجي قالها بوجها: ما اعرف اجلس معك يوم بروقان!!
حتى لما طلبت منه ينسى الموضوع رفض
قال: خلاص بعد ايش!! واذا انتي مو قد الشي لا تعملينه!
واخرتها هو سافر ينبسط
وانا منزرعه بالبيت مامعي الا نفقه اسبوع.. لا دلع ولا وناسه