المشاركة الأصلية كتبت بواسطة mimomea

عزيزتي اعماق ربي يعوضك باللي بيستاهلك ويقدملك كل الخير

الله يجزاك خير
انا بشوف حسب مدى تفكير الشخص ومحيطه
صح اتفق معك ..

في ناس مختلفة بالعادات والتقاليد والبيئة بس تفكيرها سلس
وفي اللي تفكيرها متعصب
بالضبط ..

كتير زواجات نجحت بالرغم من الاختلاف بينهم وبالمقابل كتير زواجات فشلت
وحتى من نفس البيئة يا بتفشل يا بتنجح
بالنسبة لوسط محيطي في اشخاص كتير ماخدين من غير بلد وحتى من بلدان اوروبية
يعني عمومة زوجي كل واحد متزوج من بلد عربي غير بلدنا الا والده اخد من نفس البلد
وخالو وخالو التاني واولاد عمومته ماخدين من بلدان اوروبية وحياتهن ماشية ومنسجمين وفي بيناتهن اطفال وما سمعنا باي مشكلة بيناتهن

حتى مرت خال زوجي ايطالية بس تكون بلبنان وبدها ترجع على ايطاليا كتير بتبكي وبتتأثر ومتعلقة بعائلة زوجها وهني بحبوها كتير وحتى اهلها صاروا يزوروا بلدنا

ممكن لانو عشنا ببيئة منفتحة فما موجود التمييز او لانو بنات بلدنا بيتزوجوا من بلدان غير بلدنا
صحيح ممكن كمان عاداتكم بسيطه ومرنه ..

بس اذا بلد متبعة العادات والتقاليد وحتى محافظة كتير لازم تفكر الف مرة قبل الاقدام على خطوة الزواج من بيئة مختلفة وخاصة اذا كانت منفتحة رح يصير في تصادمات وتنازلات من الطرفين لتستمر العلاقة والا بتفشل
وما فينا نغير قناعات موروثة من الماضي بلمحة بصر
وفي سلبيات وايجابيات لكل بيئة
وحسب حالتك عزيزتي صعب انك تكوني محافظة وتتقبلي تعيشي بمجتمع منفتح وفيه اختلاط
هيدا غير اللي مريتي فيه وهوي التمييز بينك وبينهن
فنصيحة عدي الف مرة باي قرار رح تاخديه
ولازم يكون في توافق فكري وخاصة بامور معينة
ربي يسعدك حبيبتي دنيا وآخرة
احترامي