رد: زعل زوجي بسبب رفضي لااستخدم ابنته حمامي ا
اقتباس:
المشاركة الأصلية كتبت بواسطة فرح تايه ~
المرة الأولى قلتي مش متقبلتهم !
واليوم متضايقة من دخولها حمامك الخاص !! أخاف إن عدم تقبلك لوجودهم معك هو اللي قاعد يخلق هالمشاكل ؟!
شوفي يا أختي الموضوع أبسط من إنك تعملي منه مشكلة، إذا بنت زوجك متعودة تدخل حمامها وتدخل حمامك بشكل إستثنائي عادي مافيها شيء، مش معقولة تنتظر دورها كأنها جالسة في حمامات الأماكن العامة !! وهي ببيت محسوب عليها بيت أبوها لها فيه مثل ما لك بالضبط !!
أنا مثلك ما أحب أحد يستخدم حمامي الخاص اللي قدام غرفتي ومع ذلك عيال أخواتي إذا جوو عندنا في الويكند أو ناموا عندنا في أي وقت عادي جدا ألاقيهم مستخدمينه وحتى شاور ياخذون فيه عشان حاطة الدش بإضاءات تتغير مع درجة حرارة الموية وعلى الرغم إنهم ضاربين بقوانيني عرض الحائط لكن والله ما أزعل زي العسسل على قلبي وأخذ الموضوع بمزحة وأقول لأخواتي عيالكم نفوسهم شييينة ما يحلى لهم إلا حمامي على الرغم إن عندنا 5 حمامات ! تخيلي أعصب وأهاوش عشان حمام😐
زبدة الكلام إنتي عوديها على حمامها الخاص، وفي نفس الوقت خليك مرنة أكثر عمر الحياة ماتمشي بالمسطرة والقلم يعني إذا انكسرت القوانين كم مرة ماله داعي الزعل تخلقون مشكلة من لا شيء .. لو هي بنتك من بطنك والذي لا إله إلا هوو مارفضتي دخولها !! بس اللي ماعنده أم حاله يغم ..
وعلى سالفة العطر / مدري هي كم عمرها بس تعرفي البنات من صغرهم يحبوا هالأشياء ف إنتي توددي لها وخليك حريصة عليها مثل بنتك واشتري لها عطرين أو ثلاثة وحطيهم لها بغرفتها وخليها هي تختار الروائح اللي تحبها معاك في السوق ياااكثر المحلات اللي عندهم عطورات تناسب الأطفال .. أكرميها الله يكرمك ويرضى عليك وتلمسي إحتياجاتها كل ما تكبر بالسن تحتاج أشياء شخصية أكثر ف إنتي لا تخلين بخاطرها شيء .. أبوها أكيد مابيقصر معها بس ع الأغلب إنه هالشغلات تروح من باله .. ف إنتي مرة وعارفة البنت وش تحتاج في كل مرحلة عمرية
وشوفي الإنسان عشان يتعود على حمام لازم يكون مرتبط فيه، اشتري لهم اكسسوارات الحمام بألوان ورسومات طفولية، ووفري لها كل شيء خاص بعمرها حق أطفال ألوانه وروايحه جذابة من شامبو وشاور جل وبودي لوشن وبيبي أويل ومناديل معطرة ~ عبي لها الحمام حقها من هالأغراض وراح تحبه وتحس بخصوصيتها وتنبسط فيه .. بس كمان الموضوع يبغاله صبر خصوصا إذا كانت صغيرة ما تجاوزت الـ 7 سنين ..
|
مشكوورة نبهتيني لامور ماكانت ببالي راح اخذ بكلامك