رد: رغبتي في سكن والدي وزوجته معنا .. ولكن !
اقتباس:
حلو إهتمامك بتواجد والدك ما شاء الله عليه..
بس حتى زوجة أبوك مهما كانت طيبة لازم يكون لها رأي وكلمة في المكان اللي بتعيش فيه..
هي عايشة في بيتها اللي هو مملكتها معززة مكرمة، تبيها تجي تعيش في غرفة وبشروط بعد..
ومهما كنتم متفاهمين لا بد من حدوث صدامات مع الوقت..
بأقلك شي..
أنا مرة جبت الوالدة ألله يحفظها تقعد معي فترة..
يعني لها البيت وأحنا العتبة، أمي مو أي وحدة..
فلاحظت عليها أنها حزينة، وحساسة، ما تطلب شي، ولا تدخل المطبخ..
مع أني كنت أحاول أوفر لها كل شي، وقلتلها، البيت بيتك سوي اللي يعجبك..
لكن بعد فترة قالت يا ولدي أنا ما أرتاح إلا في بيتي، تكفى بأرجع..
وبعد إصرارها رجعت..
والله أنها تغيرت نفسيتها الحمد لله 180 درجة للأفضل..
فإذا تقدرين تروحي أنتي وأختك تعيشون مع أبوك أحسن..
وفقك الله
|
الوحدة لما تجي تتزوج المفروض تحط سقف توقعات لحياتها، هي مثلا وش كانت متوقعة ؟! حرية كاملة .. وبيت لووحدها هي السيدة الأولى فيه ..؟ إنت ما تتكلم عن بنات زوج في الإبتدائية تتكلم عن 2 فوق 20 ~ كل وحدة فينا لها شخصيتها وحياتها الخاصة .
هي تجي لأن من البداية متوقعة بتعيش معانا، وترضى بشروطنا لأنه مالها حق في المكان . وإذا ماعجبها فتدبر عمرها محد غصبها هي اللي رضت بهاذي الزواجة ..
وترى المثال اللي إنت قلته عن أمك الله يخليها لك ينطبق علينا مو على مرة أبوي مشاعرنا نفس مشاعر أمك، صعب بعد ماكنا معززين مكرمين في بيتنا نعيش ضيوف عند أحد .. لا ، و مو أي أحد مرة أبوي 😐 الله لا يجعله فال عزيز علي .
__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔