ليش هذا المنطق والاسلوب والتعامل معاها كأنها ند لج!
تخلين مكانها شاغر أو لا هذا مو شيء انتي تحددينه وتختارينه
وما تقدرين تقولين ان انتي الأولى أو هي
لأن في فرضيات العقل والمنطق انه لا تقبل المقارنة في شيئين غير متكافئين
نقارن زوجة بزوجة
الابناء ببعضهم
الأب بالأم
وهكذا دواليك
اما مقارنة الزوجة بالابنة فهي مقارنة هزيلة وهزلية أيضاً

انتي مو سهلة وواضح من اللهجة في الردود
انتوا اخترتوا ان ابوج و زوجته يكونون بعاد
والحين تبون تقربونهم
واذا ما عجبكم الوضع تبعدونهم
حتى لو طرحنا فرضية انهم وافقوا
انتي شلون ترضينها عليهم ان تحركينهم مثل الآلات

الوحدة منا تتزوج عشان تكون ملكة بيتها
تمارس صلاحياتها كزوجة وكصاحبة مملكة
لا تحاولين تلغين دورها ..
إذا بنت الناس طيبة و رضت انتي المفروض ما ترضينها

حبيبي خليهم في مكانهم
وخلج في مكانج
اريح لج و لهم
فيه امور عيب تنقال مثل توصيفها بالهم
هي سعادة حق ابوج ان شاء الله
والله بل يجيب الهم
هذا وانتي للحين ما شفتي خيرها من شرها

هدي بالج