رد: اريد الانصاف من الغلطان انا او زوجتي
مرة كنا طالعين المول .. واشترينا أغراض .. كيسين كبار وثقال.
وكان معانا بنتي الصغيرة يالسة في عربانتها .. وزوجي هو اللي يدز العربانة .. لأنه ما يرضى أنا أدزها .. وماسك الكيسين .. كل كيس في يد.
قلت له: عطني العربانة أنا أدزها .... ما رضى.
قلت له: طيب عطني كيس واحد على الأقل .... ما رضى.
.
.
.
يوم ثاني طلعنا المول بروحنا واشتريت لي غرض .. صغير وخفيف .. يعني كيس واحد صغيرون.
طلعت من المحل شايلة الكيس ولا خطر على بالي شي .. إلا هو يمد يده ويتناول الكيس ويشيله عني.
قلت له: عادي مب ثقيل .... ما رضى وتم شايله لين ركبنا السيارة.
لا تتصور إن مثل هالموقفين يمرون مرور الكرام.
__________________
اللهم طِيبَ الأثر .. وحُسْنَ الرحيل.