رد: رغبتي في سكن والدي وزوجته معنا .. ولكن !
اقتباس:
المشاركة الأصلية كتبت بواسطة فرح تايه ~
لما يقولها بتعيشيين معاي ومع بناتي في بيت أمهم لأني ما أقدر أجبرهم على الطلعة منه ولا أبي أخليهم لوحدهم، فالمفروض عقلها برمج الموضوع بشكل تلقائي وفهمت ( شكل عشيتها والمساحات اللي بتكون حرة فيها ... الخ )
مااااني أنانية ولا جييت حول الأنانية في يوم، بالعكس من تخرجت وأنا شايلة همي وهم أختي ويوم تزوج أبوي صرت كل شيء لها بالدنيا .. حرمت نفسي من أشياء كثيير وأثرتها على نفسي كله لأجل عينها مابي أصير أنا والدنيا عليها لأنها صغييرة وساذجة وأحسها ضايعة وينخاف عليها .
والوضع مو أنا اللي فرضته على أبوي القدر هو اللي فرضه عليه، ربي هوو اللي كتب عليه تموت زوجته وإحنا في ذمته ! ما أعتقد أنا المسؤولة عن أختي يا فانيتي ! إش أسوي أبقى طول عمري جنبها وأوقف حياتي بشكل كامل عشان
( أصير البنت البارة العاقلة اللي تسمح لأبوها يعيش حياته مع زوجته بأقصى درجات الحرية ويضرب بتضحياتها المثل )
لا يااااقلبي جاء الوقت اللي يشيل فيها مسؤولية أختي وإذا قلت بروح أدرس ف مال مخلوق عندي حاجة !! هاذي حياتي ولازم أكملها ولا تبغيني أدفن نفسي لأجل سعادة مرة أبوي !!
طلبي إنه يسكن معانا أمهد فيه للمرحلة الجاية ماني جالسة ألعب فيهم لعب الشطرنج ! بشكل أو بأخر بيجي يعيش عندنا إذا مو اليوم بكرة .. هو لازم يجي عندنا أختي من سااااابع المستحيلات تطلع من بيتها لا أنا ولا أخواني نرضى بهذا الشيء .. تبغينها تطلع من عزها وتروح تجلس تحت رحمة مرة أبوها وتحط لها لستة شروط وقوانين تمشيها عليها . أعرف أختي هبلة وبتبلع الموس وتسكت . . الله يخلف على عقلي كان رضيت بهالشيء !
لازم أتطمن على أختي، وأعرف مع ميين هي بتعيش عشان أكون مرتاحة ..!
من كل قلبي أدعيلك ما تجربين اللي جربناه 😊
|
بس يافرح هو ما قال لها.. صح؟
ولا بيقولها نزولا عند رغبتك..
يعني الموضوع يا انتو ياهي؟ مين يتشرط اول؟
يافرح انتو مو بحرب!
كل احد بحاله ياشيخة!
اختك اذا ابوك مسؤول عنها هي تتبعه مو هو يتبعها..
اختك بالغة عاقلة راشدة مو طفلة! عشرينية اذا ماني غلطانة!
بتهيت لو قعدت ببيت ابوك؟
ابوك بيخاف عليها مثلك! ولين تزوجتي بكرا كيف؟ بتقولين لابوك لا تطلع من البيت لان اختي فيه؟
محد قال ادفني نفسك ولا سوي اللي سويتيه.. بس مسؤولية ابوك مو مطاطة تفصلينها على حسب رغبتك
حتى لو صار وصار وصار
تضمنين الوضع بيستمر على انظمتك لو سافرتي؟
بعيدا عن كل هذا الكلام....
ليش تحكين كنك ضامنة ان ابوك بينفذ كل هذا؟
حبيبتي بيت امك مو مكان مقدس عشان ماتطلعون منه.. خلوه مثل ماهو واسكنوا عند ابوكم!
ابوكم هو نفسه ماراح يتغير ببيت امكم ولا بيته!