رد: هل أنا صح أو لا؟وكيف أنسى؟
اقتباس:
المشاركة الأصلية كتبت بواسطة روح وريحان7
عزيزتي بعد قرائتي للموضوع في الرابط اللي وضعتيه
لاحظت فعلا ان المشكله عاطفيه انفعاليه
مشكلتنا اختي ان الزوج الخليجي تربا على فكرة زواج خاطئة وكمية انانيه الا مارحم ربي ( انا اتزوج عشان أجد زرجه تريحني ، تهتم فيني، تقوم بشغلي، تشوف لقمتي ، تهتم بملابسي)
(والبنت تربت على فكرة ان الزوج راح يهتم فيها وقت المرض ومايطالبها بطبخ وتنظيف ،يمسح على شعرها اذا طولت بالنوم
يداري مشاعرها اذا غضبت يسامحها اذا انفعلت )
فا يصير تصادم الافكار والقناعات والرغبات
وكثرت حالات الطلاق .....
اتوقع طليقج اختي فترة زواجكم كان يعتقد ان مهما ينتقد ويفعل انتي راح تحتوينه وتهدين حدته وتبتسمين في وجهه
ولكن انتي كنت مستاءه وحزينه وتعاظم هذا الشعور يوم ورا الثاني ليما ولد الاحباط
عزيزتي انا مريت بنفس مشاعرج
ليما قعدت مع نفسي وفهمت ان الانفعال والمشاعر السلبيه والانفعاليه ماراح تفيدني
هذا النوع ماينفع معاه الا أخذ الأمور بانشراح وطيبة خاطر واسمع من إذن واطلع من الإذن الثانيه وأخلي الابتسامه ماتفارق وجهي وأكون دايما سعيده
وخليه ينتقد يزعل يعصب مثل مايبي
اهم شي انا لازم اكون مرتاحة من الداخل
عشان طليقج شخصيته شمالي متطرف
|
أنا مابيه يخليني ماطبخ ماعندي مشكلة مع شغل البيت بس اصلا ماقعدت عنده شي عشان اسوي شغل البيت وحتى يوم قعدت كنت مصابة باكتئاب كل شي يجهدني لو امشي خطوتين احس كنها 20 كيلو .
كنت متنازلة عن الكلام حلو، حتى في شهر العسل كان أقصى طموحاتي أنه يكون محترم ولبق.أنا مابي واحد طول الوقت يقول كلام حلو لكن يهمني الاحترام والأمان وإذا احتجته يكون موجود هذه أولوياتي.الكلام الحلو والرقة الزايدة حلوة ان جت مع الباكج وان ماجت امر الله شق القربة
مشكلته الأسوأ أنه مايعرف يحتفظ بمشاكله جوا البيت أحس أن كل شي يسوي له إعلان يقهرني مابي احد يتدخل أحس المشاكل سهل حلها اذا صارت داخل البيت على الأقل ماتحسين أن كرامتك انمسح فيها الأرض عند الناس -حتى لو اهلك او اهله-لكن لما تطلع يصير صعب جدا حلها.
__________________
من كثر علمه قل إنكاره
التعديل الأخير تم بواسطة مايونيز ; 07-06-2015 الساعة 11:28 AM