المشاركة الأصلية كتبت بواسطة شوك11

يقول ولدي
وإني حارمته من ولده!!
نسى!!
نسى إن لي سنتين ألح عليه بالحمل ورافض
نسى إنه عمره ما سأل عن مواعيدي ونتايجها و وش قالت الطبيبة
نسى إنه هددني كم مرة يسقطه
نسى إنه كل مرة يقول أنا ما أبي الحمل ولا عاد أبي منك عيال بس أنت اللي ورطتني
نسى إني أموووت من الوحم على أشياء كثيرة واكتم بقلبي ما أقول له لأنه ما يهتم لا وفوق هذا يهاوش
نسى إني ولدت قيصري لأني ما أمشي، لأن كل ما قلت له طلعني أمشي قال مالي شغل طلعي بالحوش وامشي!!
نسى إني لما قلت له وهوينزلني موعدي عند الطبيبة خلص لي أنت تقاريري الطبية رد وقال من اللي حامل أنا والا أنت ، مالي شغل خلصيها أنت هذا شي لك مو لي
إيه الحمل لي والولد لي
ألحين يوم جا ع الدنيا صار ولدك؟!
وينك أول ؟!!
وينك وإنت تقول كل مره الله يلعن هالحمل!!
يوووووه كل هذا ويقول تهدمين كل شي عشان كلمة قلتها
كلمة ؟!!!
كل هذا وكلمة؟!!