أشكرك اخي الفاضل على ردك وقد قراته بنفس اليوم الذي كتبت . لكن أجلت الرد لحين استقرار الوضع

الحمدلله استقر الوضع قليلا بيني و بين أم زوجي و اخواته الوسطى والصغرى . و زوجي تحسن من ناحية طريقة كلامه وامور الفراش .

لكن اليوم خربت على نفسي اشيا كثيرة و احس اني رجعت للوراء خطوات كثيرة ..

خبرت زوجي من يومين انه اليوم بيكون لي . اطلع وين ماابا
طبعا لارد منه سواء شفوي او حتى هز راس
وامس كلمته ولا اي تعليق .. اليوم فالظهر سالته شافني ومارد كان مندمج بالتلفون

فالعصر ... راح يصلي و تاخر رد الساعه 6 الاربع والصلاة كانت الساعه 4 .
وتلفونه فالبيت فمااقدر اتواصل معاه .
رد قعد عالفون و انا متنرفزة و الافكار تدووووور براسي
انه ما يبا يطلعني و لا على باله ولا كاني كلمته . وكيفه ما بطلع وياه وهو ماله نفس .
لكن تكلمت و قلتله مب على اساس اليوم لنا
سكت وشوي يكلم البنت انه روحي لماما تبدلج نطلع . بصراحة ما فهمت هو بيطلعنا والا بيتمشى مع الصغيرة قريب البيت .
لبستها .
ووديتها له . فقال لي ليش مالبستي قلتله مالي نفس
روحوا تمشوا بروحكم .. قال لي : ولج اسبوع تقولين ابا اطلع . وخذها وطلع .

مااريد يطلعني وهو ماله نفس بس يبا يسكتني ويادي واجبه .

بعدها كلمته عالواتس . قال لي انه كان بيبدل و بيطلعني مول وزعلان ليش اقول مالي نفس .
طيب هو ليش ما يعطي خبر ليش ينتظر اخر الوقت يقول يلا . انا اتكلم من مدة طويلة ليش مايرد .


بعدها تنرفزت بالقوووووو .. و تميت زعلانه .
وقدر الله استوا كلام بيني و بين اخته الكبيرة وامه بوجوده .. كلام على تقسيم شغل البيت .
عمتي خيرتني الصبح بين شيئين واخترت بناء على اللي يناسب وقت دوام بنتها .
و فالليل البنت تقول لاخوها .. لا ما عجبني و .....الخ
اتفقنا على شي 2 لكن مفهموم كلامها انتي خذتي الاسهل و هالشي مب لمصلحتي ووالخ
تنرفزت لدرجة اني اتكلم و رجولي ترجف من القهر . و قلت اللي بخاطري
لكن م ا برد قلبي

دخلت الغرفة كنت اكلم نفسي شو هالنكد و زوجي شو شو شو تقولين
قلتله وكلمة من اهني وكلمة من هنااك .. بديت اتحرطم عليه

و ردينا لنفس النقطة ... مشاكلج مع اهلي لا تخبريني فيها .. حلوها بينكم
ويجادل و يناقش مع اني ااكد عليه اني مااريد منك حل بالاساس .. زلة لسان و طلعت اللي بخاطري .ومابا منك شي
ومصر يجادل ابا طلع من الغرفة يردني .

ملخص النقاش
انه زوجي راااسه ياااااابس . وعنيييد
والتراكمات كا انحلت
كل اللي صار في بيت اهلي هو معلقنه بمشاكل البيت متى ما بعدت عن الفضفضة بيتعدل
مع اني مااشوفها هي السبب لانه من قبل لاتكلم معاه وانا وياه بنفس المشكلة ...

بصراحة عجزت افهمه وعجزت اعيش معاه وهو بحالة الصمت هذي
ليش ما يعطيني خبر

اصلا انا حاطة في بالي شي .... انه ما لي خاطر عنده و عادي يستغني عني بسهولة
و مب مهتم يقضي وقت معاي ولا مفكر فيني .
هالاشيا دمرتني
و مب قادرة اتلخص منها ولا كيف اتصرف معاها .