بسم الله الرحمن الرحيم
السلام عليكم ورحمة الله وبركاتة
قبل أسبوع كتبت رداً بأن الأمور أخذت منحنى آخر أكثر جدية وبأني في نهاية الأسبوع سأكون أمام
امرين الرجعة أو طي صفحة الماضي للأبد .
قبل أسبوعين تقريبا كنت سأذهب لإستخراج ورقة الطلاق من المحكمة ولا اخفيكم كنت مستغرب من كثرة الحاح ام طليقتي علي بخصوصها .
المهم أنا قلت بستشير الوالد فالموضوع وبشوف رده خبرت الوالد وقالي اصبر لا تستعجل واتصل بالجماعة وقولهم انا يوم الجمعة بنزورهم ( ما هذي الجمعة الي مرت طبعا الي قبلها ) المهم انا اتصلت بوالدة طليقتي وخبرتها اننا بنزورهم انا والوالد والوالدة وفالحقيقة استغربت من ردت فعلها مباشرة قبل لا اقولها ليش جايين او شو الموضوع ردت علي مباشرة بدون اي مقدمات ماشي أمل ولاتتعبو انفسكم وهذي بنتي وانا اعرفها انه ماشي فايدة وما بترجع قلتلها اعتبرينا انا جايين نشوف ولدنا ونسلم عليكم ومن ضمن الكلام تقولي انا مشجعتنها تاخذ ورقة الطلاق ويوم سألتها ليش طلع تبيها تاخذ الورقة لأمر مادي عشان يعطوها ارض لان المطلقات يحق لهن قطعة ارض . سكت وفيني غصة انا قاتل نفسي واحاول وموقف حياتي سنة كاملة عشان اراضيها واصلح الامور بينا وهي تقولي ارض وما ارض وامور تافهه ما لها معنى . المهم انا خليتها واتصلت بعمي ابو البنت وخبرته بأنا جايين معاهم بالجمعة قالي البيت بيتكم وتعالو فأي وقت بدون اتصال .
المهم روحنا عندهم الجمعة قبل الماضية سلمنا عليهم وابوي كلم عمي فالموضوع طبعا طليقتي ما كلمناها ولا شفناها ما بغينا نحرجها في خلال حوارنا مع عمي دخلت امها كانت جايبه الولد نشوفه سلمنا عليها وابوي قالها انتي امها وحاولي فيها وهذي بنتك وانتي تقدري تقنعيها فهميها عشان ولدها لا يتشتت باكر هي متزوجة والولد بياخذه ابوه عاد ابوي ليش قال كذاك فتحت علينا النار وهذا والكم سوا وعدل وهملها وماعر ايش سوى فيها يعني انا اهدي الوضع واقولها هالكلام صارلنا نكرره ما يقارب سنة شو فايدته نعيد ونزيد فيه المهم بإختصار خذينا كلمة من عند ابو طليقتي قال امهلوني اسبوع وبرد عليكم وابوي قاله تراه هذي اخر مرة نجيكم فيها عشان هالموضوع لأنه هذي ثالث مرة نجي والحين مر اسبوع كامل وما جاني رد
وتفاجأة قبل ساعتين او ثلاث ساعات رسالة من والدتها هلا ابو فلان ام فلان تقولك جيب اغراضها وورقة طلاقها والسموحة منك.
بأمانة انصدمت وكان ردي عليها شوي قاسي هلا انا انتظر رد ابوها ويصير خير ان شاء الله . وانا اقول فخاطري هذي كيف ترسلي هالرسالة حتى لو بنتها قالتلها هالكلام المفروض تخبر ابوها وهو يرد علي كيف ترد علي وابوها بعده ما رد
انا ما فاهم شو الي يصير هل يستغبوني شايفيني طيب زيادة عن اللزوم ولا شو بالضبط والله ما عارف حق نفسي
بس بقولكم بصدق النفس طابت خلاص والله ماحس بنفس الرغبة للرجوع نفس قبل رضيت وسكت عن اشياء قيلت عني وانا بري منها بس عشان ما اخسرها وباقي امل ترجع لي بس بعد ما صار هالشي وسمعت هالكلام من امها ماعاد فيه امل
احس نفسي كنت غبي وانخذلت وانبعت بالرخص .

شو رايكم ياجماعة الخير فهذا الي صار