عندي قريبتي تزوجت و عمرها 16 و دحين وصلت 35
اطفال كثيرين ماشاء الله و ضائعين
و زوج مبهدلها و هي لا شهادة و لا وظيفة و لاشي

و قريبة تانية وصلت 30 و تقدم لها واحد فيه كل الميزات
وسيم و متعلم و اهل طيبين و يسوق و موظف و طيب و اخلاق
ما عدا انه نفس الي قلتي ؛ ماعنده جنسية و بيتحسن وضعه

كنت متوقعة انها راح تقبل فيه و هي بصراحة ماهي جميلة جدا و ماتهتم كثير بالتزين و كذا
و جسمها نوعا ما .. سمينة

لكنها رفضته بعد ما استخارت
و كانت متخوفة

.
.

و الله انه ما كملت السنة تنتهي و يتقدم لها شخص
اعزب / متعلم / موظف و دخل عالي ماشاء الله / و اهل طيبين جدا جدا جدا و معروفين بطييتهم /
سعودي طبعا /

و تزوجت و عمرها في الثلاثين و هي دحين 34 و حامل ماشاء الله
تزوجت .. و زوجها افضل واحد من بين كل أزواج العيلة ماشاء الله تبارك الرحمن
و يشوفها ملكة جمال و يسفرها كل كم شهر ماشاء الله عليهم

هذه نفسها قريبتي .. قبل لاتنخطب و عمرها كان 29
حماتي ام زوجي ؛ جابت لها مرة عريس متزوج و قالت لي اساليها
قلت لها ( متزوج .. ما راح تقبل فيه )

حماتي قالت لي ( بس هي كبيرة ليش ترفض !؟ )

قلت لها ( والله تعيش من غير زوج و معززة مكرمة عند اَهلها .. و لاترمي حالها لأي واحد )
قامت حماتي سكتت و ما عجبها ردي

و ماشاءالله
تزوجت قريبتي من سيد الرجال

و النظرة المتخلفة الي عند اغلب أفراد المجتمع
لا تلتفي لها

انت متعلمة و مثقفة و جميلة
و مو ناقصك شي
و مصيرك تتزوجي باْذن الله

رجاء
اتركيه و اهربيييييييي منه