رد: طريقة البف + لقيمات
نرجع لروح
كل عام وانتِ بخير روح
حلو ان هذي النتيجة من أول مرة تحاولين فيها .. بصراحة اشوفة انجاز
تأكدي محاولتين ثلاثة وتضبط الامور معاك بإذن الله..
بالنسبة للبف باين ماشاء الله ان العجينة حلوة وهشة .. يمكن تحمرت في الزيت
أكثر من اللازم واحس كمان دخل زيت ع الحشوة وخلاها ناشفة وقاسية
بالنسبة للحمة اذا كانت مجمدة .. ما افضلها ابدا .. خذي من الملحمة طازجة ويفرمها
قدامك .. او خذي مفروم دجاج ..
يبغالك تاخذين القطاعات حقت العجين تريحك كثير ..
اما اللقيمات
شوفي هذي النصايح ان شاء الله تساعدك في ضبط اللقيمات
بالنسبة للعجينة تأكدي انك خلطتيها مضبوووط ..ي عني طولي وانت تعجنين او اذا بتحطينها في العجانة خليها تاخذ وقت
بالنسبة لقوام العجينة نفسها من خبرتي أشوف ان نوع الدقيق يفرررق كثير في العجاين عموما
وافضل نوع استخدمه هو الدقيق الكويتي سواء معجنات او حلويات ما شاء الله يعطيك نتيجة حلوة مرررة
نرجع لقوام اللقيمات .. اذا خلصت عجن تاخذين من العجين شوية وكأنك بتنزلينها على الزيت بس نزليها على العجينة نفسها .. يعني ارفعي اصابعك وخلي العجين ينزل على اللي في صينية العجين
اذا ما دخلت بسرعة في العجين معناته قوامها كويس وتمام
اما لو اختفت بسرعة يعني تحتاج زيادة دقيق
اما لو ثبتت على سطح العجين .. يعني تحتاج زيادة موية زيدها رشة موية بالتدريج
نجي للزيت...
اول شي لازم يكون في مقلاة عميقة ويكون كثير شوي عشان يغطي اللقيمات
طبعا يتسخن الزيت على نار متوسطة عشان ما ينحرق بسرعة واذا تبغين تعرفين انه وصل لدرجة الحرارة المناسبة
تاخذين نقطة من العجين وتنزلينها في الزيت اذ ارتفعت على السطح فهو مناسب وابدأي نزلي اللقيمات
تخلين النار وسط وتنزلين العجين لحد ما تمتلي المقلاة بعدين ترفعين النار وتحركينها بهدوء طبعا
لحد ما تتشقر او تاخذ اللون اللي تحبين سواء فاتح او غامق..
بعدين تخرجينها على شبك أو مصفاة أو ورق النشاف بعدين تحطينها في الشيرة..
اما العجينة نفسها طرقها كثيرة .. هذي الطريقة حلوة ومعتمدتها من زمان..
2 كوب دقيق
2 ملعقة كبيرة حليب بودرة
2 ملعقة زيت
ا ملعقة وسط خميرة فورية
1ملعقة صغيرة سكر
املعقة وسط نشاء ذرة أو كاسترد (الكاسترد اصلا نشاء ملون ) وبرضو يعطيها لون حلو
كوب ونص ماء دافي
اخلطيهم جيدا كلهم مع بعض بعدين اتركيها تخمر وبتعرفين لما يتضاعف حجمها يعني ما فيه وقت محدد ..حسب حرارة المطبخ .. يمكن ساعة أو أقل أو أكثر..
وقبل تنزلينها في الزيت ترجعين تخلطينها مرة ثانية ..
والشيرة تكون جاهزة من قبل وباردة ..ترى عادي تجهزين شيرة لكم يوم ماتخرب
سواء تركتيها برا أو في الثلاجة
وخليها قاعدة كل مقدارين من السكر يقابلها مقدار موية
2 كوب سكر
1كوب ماء
عصرة ليمون في آخر شي
تتركين السكر والموية تغلي مع بعض مع التحريك حوالي عشرة دقايق وتضيفين عصرة الليمون وتطفين النار وتتركينها تبرد
اممم انا اوافق شوك انك راح تتعلمين بالمشاهدة اسرع واضح ماشاء انك تلقطين الشغلة
بسرعة والدليل ما شاء لا قوة الا بالله فاكرة طريقة الابلة في الشرح من الابتدائي
انصحك تابعي فديوهات منال العالم طرقها سهلة جدا وتحببك في الطبخ ...
__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..
[IMG]http://im67.***********/mg87DX.gif[/IMG]
